भरतपुरमा गठबन्धनको सभालाई सम्बोधन गर्न गगन थापा नआउने

चितवन,२२ बैशाख – भरतपुरमा सत्ता गठबन्धनले आयोजना गरेको चुनावी सभालाई सम्बोधन गर्न नेपाली कांग्रेसका महामन्त्री गगन थापा नआउने भएका छन् ।

थापा अन्य जिल्लामा व्यक्त भएकोले भरतपुर नआउने भएका हुन् । अन्य ठाउँहरुको चुनावी सभालाई सम्वोधन गर्ने पूर्वनिर्धारित कार्यक्रम भएकाले भरतपुरको सभामा उपस्थित नसक्ने उनी निकट एक नेताले बताए।

यस अघि चुनावी सभालाई सम्बोधन गर्न थापा पनि चितवन आउने भनिएको थियो । यस्तै कांग्रेस नेता डा.शेखर कोइराला पनि चितवन नआउने भएका छन्। कोइराला आफ्नै गृह जिल्ला मोरङमै व्यस्त भएका कारण भरतपुर नआउने भएका हुन्

भरतपुरमा सत्ता गठबन्धनले आज चुनावी सभा आयोजना गरेको छ । सभा केही बेरमा सुरु हुँदैछ । सभालाई सम्बोधन गर्न प्रधानमन्त्री शेरबहादुर देउवासहित नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’कांग्रेस बरिष्ठ नेता रामचन्द्र पौडेल,नेकपा(एकीकृत समाजवादी)का अध्यक्ष माधकुमार नेपाल लगायतका नेताहरुले चितवन आइसकेका छन् ।