भरतपुरका २० वडा कांग्रेसलाई, माओवादीलाई पाँच र नेकपा एसलाई तीन वटा

चितवन,११ बैशाख – चितवनको भरतपुर महानगरपालिकामा सत्ता गठबन्धन दलले वडाको भागबण्डा टुंग्याएका छन् ।

नेपाली कांग्रेसले भरतपुरको २० वडा पाउने भागबण्डा भएको छ । माओवादी अध्यक्ष प्रचण्डको १४ नम्बर वडासहित २० वटा कांग्रेसको भागमा परेको छ भने माओवादीलाई पाँच र नेकपा एसलाई तीनवटा दिएको छ ।

कांग्रेसले १,२,३,४,५,६,७,८,१०,१४,१५,१६,१७,१८,१९,२०,२१,२३,२७,२९ मा अध्यक्ष लिने भएको छ । त्यस्तै माओवादीले ११,१३,२४,२५,२८ नम्बर वडा अध्यक्षको उम्मेदवार लिनेछ भने नेकपा एसले ९, १२ र २२ नम्बर वडामा भाग पाउने भएको छ । २६ नम्बर वडामा कुरा मिल्न बाँकि छ ।