चितवनका ६५ हजार बालबालिकालाई आजदेखि भिटामिन ए र जुकाको औषधि

चितवन,६ बैशाख– रकारले आजबाट बालबालिकालाई भिटामिन ‘ए’ र जुकाको औषधि खुवाउने भएको छ । आज र भोलि दुई दिन देशव्यापी रूपमा भिटामिन ‘ए’ र जुकाको औषधि खुवाउन लागिएको हो ।

चितवनमा ६५ हजार भन्दा बढी बालबालिकालाई भिटामिन ‘ए’ र जुकाको औषधि खुवाईने छ । स्वास्थ्य कार्यालय चितवनका अनुसार ६ महिनादेखि ५ वर्षसम्मका बालबालिकाहरुलाई भिटामिन ए क्याप्सुल र एक वर्षदेखि ५ वर्षसम्मका बालबालिकालाई भिटामिन ए र जुकाको औषधि खुवाईन छ ।

गत कार्तिकमा चितवनमा ६३ हजार बालबालिकालाई भिटामिन ए र जुकाको औषधि लक्ष्य राखिएको थियो । अहिले पनि सोही संख्याको हारीहारीमा बालबालिकालाई औषधि खुवाइने स्वास्थ्य कार्यालयले जनाएको छ ।

कार्यालयले पायक पर्ने केन्द्रमा गएर बालबालिकाहरुलाई भिटामिन ए र जुकाको औषधि खुवाउन आग्रह गरेको छ । भिटामिन ए तथा जुकाको औषधि खुवाउँन जाँदा स्वास्थ्य मापदण्ड पालना गर्न पनि आग्रह गरिएको छ ।