रत्ननगर,६ बैशाख। चितवनको राप्ती नगरपालिकामा एकीकृत समाजवादी र नेकपा (माले)बीच पार्टी एकता भएको छ । स्थानीय तहको निर्वाचन नजिकिँदै गर्दा हालै बनेको समाजवादी र मालेबीच पार्टी एकता भएको हो ।
भण्डारामा आयोजित एकता घोषणा कार्यक्रममा समाजवादीका प्रदेश कमिटी सदस्य बाबुराम पाठक र मालेका जिल्ला कमिटी उपसचिव ओमप्रसाद डल्लाकोटीले सहमति पत्रमा हस्ताक्षर गरी पार्टी एकता भएको घोषणा गरेका थिए ।
पार्टी एकता भएसँगै जिल्ला उपसचिव डल्लाकोटीसहित जिल्ला सचिवालय सदस्य कृष्णमाया मानन्धर, जिल्ला कमिटी सदस्यहरु धर्मराज अधिकारी, गायत्री रूवालीसहित ९ जना समाजवादीमा समायोजन भएका छन् । त्यस्तै, मालेका नगर कमिटी सदस्यहरु तुलसीमाया अम्गाईं, जीवन्त खरेल, तेजराज दुवाडी, अमृत परियार, बलराम रेग्मी, रामचन्द्र उप्रेती, बधुवा चौधरी र प्रदीप अधिकारी एकीकृत समाजवादीमा प्रवेश गरेका छन् ।
कार्यक्रममा नगर कमिटी अध्यक्ष शमशेर लामाले केही दिनअघि विप्लव माओवादीको नगर कमिटी समाजवादीमा समायोजन भएकोमा सोमबार फेरि समाजवादी र मालेबीच पार्टी एकता भएको बताए । कम्युनिस्ट पार्टीहरुबीच एकता गर्दै समाजवादी पार्टीलाई राप्तीमा बलियो शक्तिका रुपमा स्थापित गर्ने अभियानमा रहेको उनले बताए ।
कार्यक्रमका प्रमुखअतिथि समाजवादी पार्टीका जिल्ला अध्यक्ष डा. कृष्णराज पन्तले नेपालका सच्चा कम्युनिस्ट पार्टीहरुबीच एकता रहेको भन्दै साना–ठूला कम्युनिस्ट पार्टीहरुबीच एकता गरेर शक्तिशाली कम्युनिस्ट पार्टी बनाउन आवश्यक रहेको बताए । कार्यक्रममा समाजवादीका जिल्ला कमिटी सचिवालय सदस्य राम सेढाईं, नगर कमिटी इन्चार्ज हेमन्त कँडेल, नगर कमिटी सचिव तथा जिल्ला सदस्य आरके पण्डितलगायतले मन्तव्य राखेका थिए ।
१३ सदस्यीय नगर कमिटी रहेको मालेको दुई जना एमाले तथा कांग्रेसमा प्रवेश गरेको र ११ जनामध्ये ९ जना समाजवादीमा प्रवेश गरेका छन् । बाहिर रहेका दुई जनालाई पनि समाजवादीमा ल्याउने प्रयास भइरहेको नगर कमिटी अध्यक्ष लामाले बताए ।
रत्ननगर,६ बैशाख। चितवनको राप्ती नगरपालिकामा एकीकृत समाजवादी र नेकपा (माले)बीच पार्टी एकता भएको छ । स्थानीय तहको निर्वाचन नजिकिँदै गर्दा हालै बनेको समाजवादी र मालेबीच पार्टी एकता भएको हो ।
भण्डारामा आयोजित एकता घोषणा कार्यक्रममा समाजवादीका प्रदेश कमिटी सदस्य बाबुराम पाठक र मालेका जिल्ला कमिटी उपसचिव ओमप्रसाद डल्लाकोटीले सहमति पत्रमा हस्ताक्षर गरी पार्टी एकता भएको घोषणा गरेका थिए ।
पार्टी एकता भएसँगै जिल्ला उपसचिव डल्लाकोटीसहित जिल्ला सचिवालय सदस्य कृष्णमाया मानन्धर, जिल्ला कमिटी सदस्यहरु धर्मराज अधिकारी, गायत्री रूवालीसहित ९ जना समाजवादीमा समायोजन भएका छन् । त्यस्तै, मालेका नगर कमिटी सदस्यहरु तुलसीमाया अम्गाईं, जीवन्त खरेल, तेजराज दुवाडी, अमृत परियार, बलराम रेग्मी, रामचन्द्र उप्रेती, बधुवा चौधरी र प्रदीप अधिकारी एकीकृत समाजवादीमा प्रवेश गरेका छन् ।
कार्यक्रममा नगर कमिटी अध्यक्ष शमशेर लामाले केही दिनअघि विप्लव माओवादीको नगर कमिटी समाजवादीमा समायोजन भएकोमा सोमबार फेरि समाजवादी र मालेबीच पार्टी एकता भएको बताए । कम्युनिस्ट पार्टीहरुबीच एकता गर्दै समाजवादी पार्टीलाई राप्तीमा बलियो शक्तिका रुपमा स्थापित गर्ने अभियानमा रहेको उनले बताए ।
कार्यक्रमका प्रमुखअतिथि समाजवादी पार्टीका जिल्ला अध्यक्ष डा. कृष्णराज पन्तले नेपालका सच्चा कम्युनिस्ट पार्टीहरुबीच एकता रहेको भन्दै साना–ठूला कम्युनिस्ट पार्टीहरुबीच एकता गरेर शक्तिशाली कम्युनिस्ट पार्टी बनाउन आवश्यक रहेको बताए । कार्यक्रममा समाजवादीका जिल्ला कमिटी सचिवालय सदस्य राम सेढाईं, नगर कमिटी इन्चार्ज हेमन्त कँडेल, नगर कमिटी सचिव तथा जिल्ला सदस्य आरके पण्डितलगायतले मन्तव्य राखेका थिए ।
१३ सदस्यीय नगर कमिटी रहेको मालेको दुई जना एमाले तथा कांग्रेसमा प्रवेश गरेको र ११ जनामध्ये ९ जना समाजवादीमा प्रवेश गरेका छन् । बाहिर रहेका दुई जनालाई पनि समाजवादीमा ल्याउने प्रयास भइरहेको नगर कमिटी अध्यक्ष लामाले बताए ।