पत्रकारद्वय अधिकारी र रामदाम सम्मानित

चितवन, २९ चैत । नेपाल सुनचाँदी व्यवसायी संघ चितवनको छैठौं र सातौं वार्षिक साधारण सभा तथा चौंथो अधिवेशनको अवसरमा पत्रकारद्वय सूर्यप्रसाद अधिकारी र अमिर रामदाम सम्मानित हुनु भएको छ । सुनचाँदी व्यवसायका समस्या र यस व्यवसायले अर्थतन्त्रमा खेलेको भूमिका लगायतका विषयमा निरन्तर कलम चलाइ समग्र व्यवासयको विकासका लागि योगदान दिएको उल्लेख गर्दै हिजो सोमबार उहाँहरुलाई सम्मान गरिएको हो ।

संघले संस्थापक अध्यक्ष खड्कलाल विश्वकर्माको स्मृतिमा स्थापित “स्व खड्कलाल विश्वकर्मा स्मृति पत्रकारिता पुरस्कार“ वर्ष २०७८ बाट प्रशंसा पत्र, दोसल्ला र नगद पाँच हजार सहित उहाँहरुलाई सम्मानित गरेको थियो । अधिकारी आर्थिक अभियान राष्ट्रिय दैनिकका संवाददाता र रामदाम स्वर्ण खबर साप्ताहिकका कार्यकारी सम्पादक हुनुहुन्छ ।

सो सम्मान तथा पुरस्कार यो वर्षदेखि सुरूवात गरिएको संघका अध्यक्ष टेकबहादुर विश्वकर्माले जानकारी दिनुभयो । कार्यक्रमको प्रमुख अतिथि भरतपुर महानगरपालिकाकी नगर प्रमुख रेणु दाहाल हुनुहुन्थ्यो । उक्त कार्यक्रम संघका अध्यक्ष टेकबहादुर विश्वकर्माको सभापतित्वमा सम्पन्न भएको थियो ।