वडाध्यक्षलाई दुर्व्यवहार गर्ने ५० हजार धरौटीमा छुटे

चितवन, २३ चैत । कालिका नगरपालिका वडा न. ३ को जननिर्बाचित वडा अध्यक्ष ५२ वर्षका टिकाराज रिजाललाई अपमानजनक व्यवहार गरेको आरोप लागेका २ जना जनही ५० हजार धरौटीमा छुटेका छन्। मंगलबार चितवन अदालतको आदेशले उनीहरु धरौटीमा छुटेका हुन्।

फागुन २३ गते राप्ती नगरपालिका ४ का ३७ वर्षका गुणराज श्रेष्ठ र ३६ वर्षका सागर राईले कालोमोसो दल्ने, जुत्ताको माला लगाउनेजस्ता अमानवीय र अपमानजनक व्यवहार गरेको भनी पीडित आफैँले फागुन २९ गते इलाका प्रहरी कार्यालय रत्ननगरमा उजुरी दिएका थिए।