पिसिआर परीक्षणमा कालोबजारी, बढी रकम फिर्ता गर्नू : प्रशासन
न्युजभित्तो/१६ चैत्र २०७८, बुधबार १५:३१
भरतपुर,१६ चैत्र । सरकारले तोकेभन्दा बढी शुल्क लिएको आरोप लागेको कलेज अफ मेडिकल साइन्सेज (पुरानो) मेडिकल कलेजले अभियोग दाबीबाट सफाइ पाएको छ । तर, उसले पिसिआर परीक्षणका लागि स्टार अस्पतालमा पठाएकोमा स्टार अस्पतालले भने चार सय रूपैयाँ प्रतिनमुना बढी शुल्क लिएको भनी उससँग सो रकम फिर्ता गर्न भनिएको छ ।
धरौटी राखिएको रकमबाट प्रत्येक व्यक्तिलाई उक्त रकम तत्काल फिर्ता गर्न भनिएको प्रमुख जिल्ला अधिकारी अस्मान तामाङले जानकारी दिए । अस्पतालका सञ्चालक किशोरकुमार महर्जनको तर्फबाट रकम फिर्ता गर्न भनिएको हो । कुल एक हजार ७० नमुना परीक्षणका लागि पुरानो मेडिकल कलेजले स्टार अस्पताल पठाएको थियो । फैसलाअनुसार स्टार अस्पतालले चार लाख २८ हजार रूपैयाँ फिर्ता गर्नुपर्ने देखिन्छ ।
मुद्दाको किनारा लगाउँदै प्रमुख जिल्ला अधिकारी अस्मान तामाङले इन्फेक्सन कन्ट्रोल भनी स्टार अस्पतालले लिएको चार सय रूपैयाँ बढी रकम फिर्ता गर्न आदेश दिएका छन् । पुरानो मेडिकल कलेजले तत्कालीन समयमा तीन हजार रूपैयाँ प्रतिनमुना रकम लिएको थियो । जसमा दुई हजार सरकारले तोकेको परीक्षण शुल्क थियो भने छ सय रूपैयाँ ढुवानी खर्च र चार सय इन्फेक्सन कन्ट्रोल शुल्क भनी लिइएको थियो । छ सय ढुवानी शुल्क पुरानो मेडिकल कलेजले र इन्फेक्सन कन्ट्रोल शुल्क स्टार हस्पिटलले लिएको थियो । ढुवानीबापत लिएको रकम जिल्लाको डिसिसिएमसीको निर्णयअनुसार नै रहेको भनी पुरानो मेडिकल कलेजका तर्फबाट मुद्दा लडेका डा. सुप्रभात श्रेष्ठलाई सफाइ हुने फैसला भएको छ ।
चितवन मेडिकल कलेज र क्यान्सर अस्पताल भरतपुर पनि कालोबजारी मुद्दामा मुछिएको छ । जिल्ला प्रशासन कार्यालय चितवनमा विचाराधीन अवस्थामा छ । विपी कोइराला मेमोरियल क्यान्सर अस्पताल भरतपुर, चितवन मेडिकल कलेज र कलेज अफ मेडिकल साइन्सेजविरूद्ध कालोबजारीअन्तर्गत जिल्ला प्रशासनमा मुद्दा दर्ता भएको थियो । जिल्लामा तीन जना सिडिओ फेरिँदा पनि सार्वजनिक चासोको विषय रहेको यस मुद्दाको किनारा लाग्न नसकेको समाचारहरु बाहिर आएको थियो ।
तत्कालीन प्रमुख जिल्ला अधिकारी नारायणप्रसाद भट्टराईको आदेशले क्यान्सर अस्पतालले आठ लाख धरौटी बुझाएको हो । चितवन मेडिकल कलेजसँग भने १८ लाख धरौटी माग भएको थियो । त्यस्तै, कलेज अफ मेडिकल साइन्सेस पुरानो मेडिकल कलेजसँग २३ लाख धरौटी माग भएको थियो । यी तीनवटा अस्पताललाई विपक्षी बनाई कालोबजारी तथा केही सामाज
भरतपुर,१६ चैत्र । सरकारले तोकेभन्दा बढी शुल्क लिएको आरोप लागेको कलेज अफ मेडिकल साइन्सेज (पुरानो) मेडिकल कलेजले अभियोग दाबीबाट सफाइ पाएको छ । तर, उसले पिसिआर परीक्षणका लागि स्टार अस्पतालमा पठाएकोमा स्टार अस्पतालले भने चार सय रूपैयाँ प्रतिनमुना बढी शुल्क लिएको भनी उससँग सो रकम फिर्ता गर्न भनिएको छ ।
धरौटी राखिएको रकमबाट प्रत्येक व्यक्तिलाई उक्त रकम तत्काल फिर्ता गर्न भनिएको प्रमुख जिल्ला अधिकारी अस्मान तामाङले जानकारी दिए । अस्पतालका सञ्चालक किशोरकुमार महर्जनको तर्फबाट रकम फिर्ता गर्न भनिएको हो । कुल एक हजार ७० नमुना परीक्षणका लागि पुरानो मेडिकल कलेजले स्टार अस्पताल पठाएको थियो । फैसलाअनुसार स्टार अस्पतालले चार लाख २८ हजार रूपैयाँ फिर्ता गर्नुपर्ने देखिन्छ ।
मुद्दाको किनारा लगाउँदै प्रमुख जिल्ला अधिकारी अस्मान तामाङले इन्फेक्सन कन्ट्रोल भनी स्टार अस्पतालले लिएको चार सय रूपैयाँ बढी रकम फिर्ता गर्न आदेश दिएका छन् । पुरानो मेडिकल कलेजले तत्कालीन समयमा तीन हजार रूपैयाँ प्रतिनमुना रकम लिएको थियो । जसमा दुई हजार सरकारले तोकेको परीक्षण शुल्क थियो भने छ सय रूपैयाँ ढुवानी खर्च र चार सय इन्फेक्सन कन्ट्रोल शुल्क भनी लिइएको थियो । छ सय ढुवानी शुल्क पुरानो मेडिकल कलेजले र इन्फेक्सन कन्ट्रोल शुल्क स्टार हस्पिटलले लिएको थियो । ढुवानीबापत लिएको रकम जिल्लाको डिसिसिएमसीको निर्णयअनुसार नै रहेको भनी पुरानो मेडिकल कलेजका तर्फबाट मुद्दा लडेका डा. सुप्रभात श्रेष्ठलाई सफाइ हुने फैसला भएको छ ।
चितवन मेडिकल कलेज र क्यान्सर अस्पताल भरतपुर पनि कालोबजारी मुद्दामा मुछिएको छ । जिल्ला प्रशासन कार्यालय चितवनमा विचाराधीन अवस्थामा छ । विपी कोइराला मेमोरियल क्यान्सर अस्पताल भरतपुर, चितवन मेडिकल कलेज र कलेज अफ मेडिकल साइन्सेजविरूद्ध कालोबजारीअन्तर्गत जिल्ला प्रशासनमा मुद्दा दर्ता भएको थियो । जिल्लामा तीन जना सिडिओ फेरिँदा पनि सार्वजनिक चासोको विषय रहेको यस मुद्दाको किनारा लाग्न नसकेको समाचारहरु बाहिर आएको थियो ।
तत्कालीन प्रमुख जिल्ला अधिकारी नारायणप्रसाद भट्टराईको आदेशले क्यान्सर अस्पतालले आठ लाख धरौटी बुझाएको हो । चितवन मेडिकल कलेजसँग भने १८ लाख धरौटी माग भएको थियो । त्यस्तै, कलेज अफ मेडिकल साइन्सेस पुरानो मेडिकल कलेजसँग २३ लाख धरौटी माग भएको थियो । यी तीनवटा अस्पताललाई विपक्षी बनाई कालोबजारी तथा केही सामाज