चितवन अटोमोबाईल डिलर एसोसिएसनमा नयाँ नेतृत्व

चितवन, ७ फागुन । चितवन अटोमोबाईल डिलर्स एसोसिएसनको अध्यक्षमा राजन पिया सर्वसम्मत निर्वाचित हुनु भएको छ । एसोसिएसनको आज सम्पन्न पाँचौं साधारण सभा तथा तेस्रो अधिवेशनले पियाको अध्यक्षतामा ११ सदस्यीय समिति सर्वसम्मत चयन गरेको हो ।

समितिको निवर्तमान अध्यक्ष ईश्वरकुमार श्रेष्ठ, प्रथम उपाध्यक्ष इन्द्रप्रसाद रेग्मी, द्वितीय उपाध्यक्ष उत्तम अधिकारी, सचिव विमलकुमार पौडेल, कोषाध्यक्ष यज्ञप्रसाद पौडेल रहनु भएको छ । यसैगरी सदस्यहरुमा रविनकुमार श्रेष्ठ, जनककुमार ढकाल, बालकृष्ण ओली, भीमसेन श्रेष्ठ, सुरेशकुमार चोधरी रहनु भएको छ ।

अधिवेशनको उद्योग वाणिज्य संघ चितवनका अध्यक्ष राजु श्रेष्ठले उद्घाटन गर्नुभयो । उद्घाटन कार्यक्रममा नेपाल अटोमोबाईल डिलर एसोसिएसन (नाडा) का अध्यक्ष ध्रुव थापा, अन्तर्राष्ट्रिय अटोमोबाईल फेडेरेसनका कोषाध्यक्ष गोविन्द भट्टराई, जिल्ला ट्राफिक प्रहरी कार्यालय चितवनका निमित्त प्रमुख अर्जुन पौडेल, ईश्वरकुमार श्रेष्ठ, राजन पिया लगायतले बोल्नु भएको थियो ।

अधिवेशनले सचिव इन्द्रप्रसाद रेग्मीले प्रस्तुत गरेको प्रगति प्रतिवेदन र कोषाध्यक्ष विमल पौडेलले प्रस्तुत गरेको आर्थिक प्रतिवेदन पारित गरेको छ ।