चितवन, ८ पुस । राष्ट्रिय वाघ गणनामा प्रयोग गरिएका पाँचवटा क्यामेरा हराएका छन् । चोरमारा र कावासोती बिचको जंगलमा राखिएका चारवटा क्यामेरा र भरतपुर महानगरपालिका वडा नम्ब ११ भोजाड नजिकै रहेको हरिपुरमा रहेको एक थान क्यामेरा हराएको हो ।
चितवन राष्ट्रिय निकुञ्जले बन्यजन्तु अनुगमन सम्बन्धि जानकारी दिनका लागि आज कसरामा आयोजना गरेको पत्रकार सम्मेलनमा सो जानकारी गराईएको हो । बाघ गणनामा प्रयोग भएका २ सय ८७ क्यामेरा मध्ये ५ वटा हराएको निकुञ्जका प्रमुख संरक्षण अधिकृत हरिभद्र आचार्यले जानकारी दिनुभयो । उहाँका अनुसार रु २० हजार देखि ५० हजार सम्म पर्ने स्वचालित क्यामेरा हराएका हुन । क्यामेरा जडान गरिएको १० दिनमा क्यामेरा हराएको हो । सन् २०१८ मा गरिएको बाघ गणनामा ६० वटा क्यामेरा हराएका थिए । ती मध्ये कतिपय जनावार र मानिसले लगेर हराएका हुन । यस गणनामा हराएका क्यामेरा मानिसले लगेको अनुमान गरिएको छ । केही क्यामेरा जनावारले फालेका भए पनि भेटिएको सो अबसरमा जानकारी गराईएको थियो ।
बाघ गणनामा बाहेक अन्य प्रयोजनमा काम नलाग्ने ती क्यामेराहरु हराउँदा केही समस्या भएको उहाँले बताउनुभयो । पत्रकार सम्मेलनमा आचार्यले भन्नुभयो “अहिले बाघ गणनाको काम तिब्र गतिमा गरिएको छ । चितवन र पर्सा कम्प्लेक्सलाई तीन भागमा बिभाजन गरि गणना गरिएको छ ।” जस अन्तर्गत पहिलो भागमा त्रिबेणी देखि बरण्डाभार क्षेत्रमा अहिले काम भईरहेको उहाँले जानकारी दिनुभयो । यो क्षेत्रमा मंसिर १९ गतेबाट गणनाको काम भईरहेको छ । यस लगत्तै सौराहा देखि ठोरीको केही भाग सम्म गणना गरिने उहाँले बताउनुभयो । उहाँका अनुसार तेस्रो चरणमा पर्सा निकुञ्ज र रौतहटका वन क्षेत्रहरुमा गणना गरिने छ ।
बाघको बास्वस्थान पहिचान गरि ती क्षेत्रमा स्वचालित क्यामेराको प्रयोगले बाघ गणना गरिन्छ । दुई किलोमिटर क्षेत्रफलको फरकमा दुईवटा क्यामेरा राखेर वाघको तस्बिर लिइन्छ । वाघ गणनाका लागि १ सय १० जनालाई तालिम दिईएकोमा अहिले ९० जना चितवन राष्ट्रिय निकुञ्जमा परिचालन गरिएको छ । बाघ गणनाका लागि १३ वटा क्याम्प वनाएर ६ देखि ८ जनाको दरले काम भईरहेको निकुञ्ज प्रशासनले जनाएको छ । एउटा क्षेत्रमा १५ दिन क्यामेरा जडान गरेर राखेपछि ती क्यामेरा र त्यही जनशक्ति अर्को क्षेत्रमा खटाइने उहाँले बताउनुभयो ।
बाघ गणनाका लागि ६० दिन जंगलमा काम गरेर तस्विर लिए पछि केही समय पहिचानको काम गरिने छ । जुलाई २९ अर्थात विश्व बाघ दिवसको दिन तथ्याङ्क सार्वजनिक गर्ने गरि काम गरिएको उहाँले जानकारी दिनुभयो ।
चितवन, ८ पुस । राष्ट्रिय वाघ गणनामा प्रयोग गरिएका पाँचवटा क्यामेरा हराएका छन् । चोरमारा र कावासोती बिचको जंगलमा राखिएका चारवटा क्यामेरा र भरतपुर महानगरपालिका वडा नम्ब ११ भोजाड नजिकै रहेको हरिपुरमा रहेको एक थान क्यामेरा हराएको हो ।
चितवन राष्ट्रिय निकुञ्जले बन्यजन्तु अनुगमन सम्बन्धि जानकारी दिनका लागि आज कसरामा आयोजना गरेको पत्रकार सम्मेलनमा सो जानकारी गराईएको हो । बाघ गणनामा प्रयोग भएका २ सय ८७ क्यामेरा मध्ये ५ वटा हराएको निकुञ्जका प्रमुख संरक्षण अधिकृत हरिभद्र आचार्यले जानकारी दिनुभयो । उहाँका अनुसार रु २० हजार देखि ५० हजार सम्म पर्ने स्वचालित क्यामेरा हराएका हुन । क्यामेरा जडान गरिएको १० दिनमा क्यामेरा हराएको हो । सन् २०१८ मा गरिएको बाघ गणनामा ६० वटा क्यामेरा हराएका थिए । ती मध्ये कतिपय जनावार र मानिसले लगेर हराएका हुन । यस गणनामा हराएका क्यामेरा मानिसले लगेको अनुमान गरिएको छ । केही क्यामेरा जनावारले फालेका भए पनि भेटिएको सो अबसरमा जानकारी गराईएको थियो ।
बाघ गणनामा बाहेक अन्य प्रयोजनमा काम नलाग्ने ती क्यामेराहरु हराउँदा केही समस्या भएको उहाँले बताउनुभयो । पत्रकार सम्मेलनमा आचार्यले भन्नुभयो “अहिले बाघ गणनाको काम तिब्र गतिमा गरिएको छ । चितवन र पर्सा कम्प्लेक्सलाई तीन भागमा बिभाजन गरि गणना गरिएको छ ।” जस अन्तर्गत पहिलो भागमा त्रिबेणी देखि बरण्डाभार क्षेत्रमा अहिले काम भईरहेको उहाँले जानकारी दिनुभयो । यो क्षेत्रमा मंसिर १९ गतेबाट गणनाको काम भईरहेको छ । यस लगत्तै सौराहा देखि ठोरीको केही भाग सम्म गणना गरिने उहाँले बताउनुभयो । उहाँका अनुसार तेस्रो चरणमा पर्सा निकुञ्ज र रौतहटका वन क्षेत्रहरुमा गणना गरिने छ ।
बाघको बास्वस्थान पहिचान गरि ती क्षेत्रमा स्वचालित क्यामेराको प्रयोगले बाघ गणना गरिन्छ । दुई किलोमिटर क्षेत्रफलको फरकमा दुईवटा क्यामेरा राखेर वाघको तस्बिर लिइन्छ । वाघ गणनाका लागि १ सय १० जनालाई तालिम दिईएकोमा अहिले ९० जना चितवन राष्ट्रिय निकुञ्जमा परिचालन गरिएको छ । बाघ गणनाका लागि १३ वटा क्याम्प वनाएर ६ देखि ८ जनाको दरले काम भईरहेको निकुञ्ज प्रशासनले जनाएको छ । एउटा क्षेत्रमा १५ दिन क्यामेरा जडान गरेर राखेपछि ती क्यामेरा र त्यही जनशक्ति अर्को क्षेत्रमा खटाइने उहाँले बताउनुभयो ।
बाघ गणनाका लागि ६० दिन जंगलमा काम गरेर तस्विर लिए पछि केही समय पहिचानको काम गरिने छ । जुलाई २९ अर्थात विश्व बाघ दिवसको दिन तथ्याङ्क सार्वजनिक गर्ने गरि काम गरिएको उहाँले जानकारी दिनुभयो ।