क्षयरोग दिवसको अवसरमा होली भिजनका विद्यार्थीको जनचेतनामूलक -याली

भरतपुर १७ मंसिर । होली भिजन पब्लिक स्कुल नाटा जुनियर ईकाईको आयोजनामा बिहीबार भरतपुर ४ मा जनचेतनामूलक -याली सम्पन्न भएको छ । ६८ औं राष्ट्रिय क्षयरोग दिवसको अवसरमा आयोजना गरिएको जनचेतनामूलक -यालीमा विद्यार्थीहरुले क्षयरोग निवारण सम्बन्धी चेतनामूलक प्लेकार्डहरुसहित भरतपुर ४ का विभिन्न स्थानको परिक्रमा गरेका थिए ।

चेतनामूलक -यालीको शुभारम्भ गर्दै विद्यालयका प्राचार्य मीनराज बस्ताकोटीले विद्यार्थीहरु परिवर्तनका संवाहक भएकोले क्षयरोग सम्वन्धित चेतना विस्तार गर्न विद्यार्थीहरुनै अगाडि बढ्नुपर्ने आवश्यकता औंल्याउँनुभयो । विद्यालयबाट शुरु भएको सचेतनामुलक -यालीले पेन्सनक्याम्प चोक, शमीचोक,आनन्दचोक, चोक,यज्ञपुीचोक हुँदै विद्यालयमा आएर समापन भएको थियो ।

होली भिजन पब्लिक स्कुल नाटा जुनियर ईकाईले क्षयरोग दिवसको अवसर पारेर यही मङ्सिर १७ गते जिल्लास्तरीय अन्तर मा वि हाजिर जवाफ प्रतियोगिताको आयोजना गरेको छ । प्रतियोगितामा जिल्लाका करिव ३५ विद्यालयहरु सहभागी हुने नाटा जुनियर ईकाईकी शिक्षक नायक अमृता खनालले जानकारी दिनुभयो ।

स्मरण रहोस् होली भिजन पब्लिक स्कुल नाटा जुनियर ईकाईले राष्ट्रिय क्षयरोग दिवसको अवसरमा नेपाल नेपाल क्षयरोग निवारण संस्था, चितवन शाखासँग समन्वय गरी २०६० सालदेखि हरेक वर्ष मंसिर महिनामा जिल्लास्तरीय अन्तर मा वि हाजिर जवाफ प्रतियोगिताको आयोजना गर्दै आएको छ ।