संसद सूचारु गर्न सभामुखले माफि माग्नु पर्छः नेता ज्ञवाली

चितवन, २६ असोज । नेकपा एमालेका सचिब प्रदिप ज्ञवालीले सदन सञ्चालनका लागि सभामुखले माफि माग्नु पर्ने बताउनु भएको छ । आज यहाँ पत्रकारहरु संग कुराकानी गर्नुहुँदै उहाँले सभामुखले आफ्नो पदिय दायीत्वको भूमिका बिर्सनु भएका कारण संसद अबरोध भएको बताउनुभएको हो ।

उहाँले भन्नुभयो “सदन सञ्चालन गर्ने हो भने सभामुले सार्बजनिक रुपमा गल्ति स्वकार गरेर माफिमाग्नु पर्छ ।” साउन ३ गते देखि ३२ गते सम्म सदन नियमित सञ्चालनमा आएको भन्दै उहाँले सभामुखको भूमिका माथि प्रश्न उठे संगै अबरोध गर्नु परेको बताउनुभएको हो ।

सरकारमा रहेका सत्तासिन दलहरुको पराजित मनस्थितिका कारण यो समस्या आएको उहाँको भनाई थियो । नेकपा माओवादी केन्द्रका अध्यक्ष प्रति लक्षित गर्दै उहाँले भन्नुभयो “सदन हामीलाई उहाँले बक्सिस दिनु भएको होईन । जनताको इच्छा वेगर एमालेलाई संसदबाट हलाउने प्रश्न हुँदैन ।” फरक प्रसंगमा बोल्दै उहाँले अहिलेको सरकार गलत बाटोमा हिडेको आरोप लगाउनु भयो । उहाँले थप्नुभयो “सरकार गलत ढङ्गले बन्यो र गलत बाटोमा हिडिरहेको छ ।” अहिलेको सरकारको काम कृयाकलाप संबिधानको प्रारम्भिक संरचना भत्काउने, लोकतन्त्रलाई कम्जोर वनाउने, राष्ट्रिय हितलाइ आच पु¥याउने खालको देखिएको उहाँको भनाई छ ।