भरतपुर महानगरको सभापतिमा चित्रसेन अधिकारी रत्ननगरको अध्यक्षमा प्रलाद सापकोटा विजयी

चितवन, ११ असोज । नेपाली कांग्रेसको पालिकास्तरीय अधिवेशनको परिणाम आउने क्रम जारी रहेको छ । भरतपुर महानगर समितिको सभापतिमा चित्रसेन अधिकारी र रत्ननगर नगरपालिकाको अध्यक्षमा प्रलाह सापकोटा विजयी हुनुभएको हो ।

नेपाली कांग्रेसको १४औं महाधिवेशन अन्तरगत भएको निर्वाचनबाट भरतपुर महानगरपालिकाको चित्रसेन १०३ मत प्राप्त गरी विजयी हुनु भएको हो । भरतपुर २१ का वडा अध्यक्ष समेत रहनु भएका चित्रसेनले ६४९ मत प्राप्त गर्नुभयो भने उहाँको निकटम प्रतिद्धन्द्धी वर्तमान सभापति समेत रहनु भएका भरत अधिकारीले ५४६ मत प्राप्त गर्नुभयो ।

यस्तै अन्य उम्मेद्वारहरु हिरामणी अधिकारीले १२९, बचन कार्कीले ७५ र अर्जुनप्रसाद रिजालले २६ मत प्राप्त गर्नुभयो ।

यस्तै उपसभापतिमा बुद्धिकान्त न्यौपाने ६६१ र विजय घले ५५६ मत सहित निर्वाचित हुनु भएको छ । । अन्य उम्मेदवारहरु किशोर गुरुङ ५५४, कृष्णप्रसाद रेग्मी २०५, केदारनाथ बराल ९५, गीताकुमारी शर्मा १४८, देवीप्रसाद लुईटेल ६६, शारदा कुमारी १७२ र सुरक्षा रेग्मीले २०७ मत प्राप्त गर्नुभयो ।

त्यस्तै सचिवमा प्रनिशा गुरुङ ५६४ र कृष्ण बगाले ४५६ मत प्राप्त गरी निर्वाचित हुनु भएको छ । यस्तै सह–सचिवमा उपेन्द्र पण्डित ५१३ र कल्पना पौडेल खड्का ४२० मत सहित विजयी विजयी हुनु भएको छ ।

यसैगरी रत्ननगर नगरपालिकाको सभापतिमा प्रलाद सापकोटा २४६ मतका साथ विजयी हुनु भएको छ । उहाँका निकटम प्रतिद्धन्द्धी रुपनराज घिमिरेले १६८ मत प्राप्त गर्नुभयो । पराजित घिमिरे रत्ननगरका वर्तमान सभापति समेत हुनुहुन्छ ।

यस्तै उपसभापतिमा अपिल अधिकारी २४८, कमल अधिकारी २०० मत सहित विजयी हुनु भएको छ । त्यस्तै सचिवमा अनिता अर्याल २५९, तीर्थराज सुवेदी १८७ मत सहित निर्वाचित हुनु भएको छ । सह–सचिवमा अमृत मल्ल १९४, रामचन्द्र पौडेल २०५ मत सहित विजयी हुनु भयो ।