चितवनमा फेरि कोरोना संक्रमण बढ्यो, आज ५३ जना संक्रमित थपिए

चितवन, ५ असोज । भीडभाड बढेसँगै चितवनमा फेरि चितवनमा कोरोना संक्रमण फेरि बढ्न थालेको छ ।

स्वास्थ्य कार्यालय चितवनले तथ्यांक अनुसार पछिल्लो २४ घण्टामा ५३ जना कोरोना संक्रमित थपिएका हुन् ।

असोज २ गते शून्यमा झरेको दैनिक संक्रमण सोमबार ३४ जनामा देखिएको थियो भने आज यो संख्या बढेर ५३ पुगेको छ । असोज १ गतेबाट चितवनका अधिकांश शिक्षण संस्थाहरु खुल्न थालेकाले बजार तथा बाटोघाटोमा भीडभाड बढ्दै गएको देखिन्छ । मानिसहरुको आवतजावत र भीडभाड बढेकोले कोरोना बढ्दै गएको चिकित्सकहरुले जनाएका छन् ।

स्वास्थ्य कार्यालय चितवनको अनुसार पछिल्लो २४ घण्टामा भरतपुर महानगरपालिकामा ४२ जना, खैरहनी नगरपालिकामा दुई जना, माडीमा दुई जना, रत्ननगर नगरपालिकामा पाँच जना, राप्तीमा एक जना र इच्छाकामनामा एक जना संक्रमित थपिएका छन् ।

योसँगै चितवनमा सक्रिय संक्रमितको संख्या ५८७ जना पुगेको छ । जसमध्ये घरमा आइसोलेसनमा ५५१ जना र अस्पतालको आइसोलेसनमा ३६ जना रहेका छन् । २४ घण्टामा चितवनमा एक कोरोना संक्रमितको मृत्यु भएसँगै चितवनमा कोरोनाबाट ज्यान गुमाउनेको संख्या ४१२ जना पुगेको छ ।