माडी नगर कमिटी सचिव काफ्लेद्वारा एमालेमै रहेको घोषणा
न्युजभित्तो/२६ भाद्र २०७८, शनिबार १९:१०
माडी २६ भदौ । नेकपा एकीकृत समाजवादी माडी नगर कमिटिका सचिव मोहदत्त काफ्लेले पार्टी विभाजनको पक्षमा नरहेको घोषणा गर्दै नेकपा एमालेमै रहेको घोषणा गर्नुभएको छ ।
उहाँले शुक्रबार एक विज्ञप्ति प्रकाशित गरी समस्याका विषयमा पार्टीभित्र रहेर नै छलफल गर्न सकिने भएकोले पार्टी विभाजनको बाटोमा नलाग्ने जनाउँदै नेकपा एकीकृत (समाजवादी) सँग कुनै सम्बन्ध नरहेको स्पष्ट पार्नुभएको छ । विज्ञप्तिमा विभाजनले कसैको पनि राजनीतिक उद्देश्य पूरा नहुने र लोकतान्त्रिक मूल्य मान्यता विपरित हुने भएकोले विमतिका विषयमा नेकपा एमालेमै रहेर छलफल गर्न सबैमा हार्दिक अनुरोध गर्नुभएको छ ।
जन जीवन माध्यमिक विद्यालयमा अध्ययनरत रहँदा २०४१ सालमा अनेरास्ववियु प्रारम्भिक कमिटिमा रहेर काम गर्नुभएका काफ्ले २०४२ सालमा अनेरास्ववियुको चितवन जिल्ला सदस्यको जिम्मेदारीमा रहनुभएको थियो । पञ्चायती व्यवस्थाको विरोधमा विभिन्न कार्यक्रम गर्दा पटक पटक पक्राउ परेका काफ्ले २०४५ सालमा २ महिना १७ दिन भरतपुर कारागारमा जेल जीवन बिताउनुभएको थियो भने जेलबाट छुटकरा पाएपछि पनि जनआन्दोलन सफल बनाउने कार्यमा लागिरहनुभएको थियो ।
२०५८ सालमा नेकपा एमाले निकट लघुवित्त वित्तीय संस्थाको केन्द्रीय उपाध्यक्ष रहेका काफ्ले आफ्नो जागिरको दौरानमा पनि विभिन्न जिल्लामा सङ्गठन विस्तार र सामाजिक कार्यमा सरिक रहनुभएको थियो । नेकपा एमाले माडी नगर कमिटिको सचिव रहनुभएका काफ्ले जन जीवन माध्यमिक विद्यालयको निवर्तमान अध्यक्ष, अयोध्याधाम व्यवस्थापन समितिको मूल समिति सदस्यलगायत विभिन्न संघ संस्थामा रहेर माडीको शैक्षिक र सामाजिक विकासका कार्यमा निरन्तर लागिरहनुभएको छ ।
पार्टी विभाजनको विपक्षमा रहेका मोहदत्त काफ्लेलाई नेकपा एकीकृत समाजवादी माडी नगर कमिटीको जिम्मेवारी दिएपनि त्यसलाई अस्वीकार गर्दै नेकपा एमालेमा रहेको र नेकपा एकीकृत समाजवादीसँग कुनै सम्बन्ध नरहेको जानकारी दिनुभएको हो । पार्टी विभाजनको पक्षमा लाग्नेहरुलाई पनि विमतिका विषयमा पार्टीभित्र रहेर छलफल गर्न अनुरोध गर्दै काफ्लेले नेकपा एमालेमा नै गोलबद्ध हुन आग्रह गर्नुभएको छ ।
माडी २६ भदौ । नेकपा एकीकृत समाजवादी माडी नगर कमिटिका सचिव मोहदत्त काफ्लेले पार्टी विभाजनको पक्षमा नरहेको घोषणा गर्दै नेकपा एमालेमै रहेको घोषणा गर्नुभएको छ ।
उहाँले शुक्रबार एक विज्ञप्ति प्रकाशित गरी समस्याका विषयमा पार्टीभित्र रहेर नै छलफल गर्न सकिने भएकोले पार्टी विभाजनको बाटोमा नलाग्ने जनाउँदै नेकपा एकीकृत (समाजवादी) सँग कुनै सम्बन्ध नरहेको स्पष्ट पार्नुभएको छ । विज्ञप्तिमा विभाजनले कसैको पनि राजनीतिक उद्देश्य पूरा नहुने र लोकतान्त्रिक मूल्य मान्यता विपरित हुने भएकोले विमतिका विषयमा नेकपा एमालेमै रहेर छलफल गर्न सबैमा हार्दिक अनुरोध गर्नुभएको छ ।
जन जीवन माध्यमिक विद्यालयमा अध्ययनरत रहँदा २०४१ सालमा अनेरास्ववियु प्रारम्भिक कमिटिमा रहेर काम गर्नुभएका काफ्ले २०४२ सालमा अनेरास्ववियुको चितवन जिल्ला सदस्यको जिम्मेदारीमा रहनुभएको थियो । पञ्चायती व्यवस्थाको विरोधमा विभिन्न कार्यक्रम गर्दा पटक पटक पक्राउ परेका काफ्ले २०४५ सालमा २ महिना १७ दिन भरतपुर कारागारमा जेल जीवन बिताउनुभएको थियो भने जेलबाट छुटकरा पाएपछि पनि जनआन्दोलन सफल बनाउने कार्यमा लागिरहनुभएको थियो ।
२०५८ सालमा नेकपा एमाले निकट लघुवित्त वित्तीय संस्थाको केन्द्रीय उपाध्यक्ष रहेका काफ्ले आफ्नो जागिरको दौरानमा पनि विभिन्न जिल्लामा सङ्गठन विस्तार र सामाजिक कार्यमा सरिक रहनुभएको थियो । नेकपा एमाले माडी नगर कमिटिको सचिव रहनुभएका काफ्ले जन जीवन माध्यमिक विद्यालयको निवर्तमान अध्यक्ष, अयोध्याधाम व्यवस्थापन समितिको मूल समिति सदस्यलगायत विभिन्न संघ संस्थामा रहेर माडीको शैक्षिक र सामाजिक विकासका कार्यमा निरन्तर लागिरहनुभएको छ ।
पार्टी विभाजनको विपक्षमा रहेका मोहदत्त काफ्लेलाई नेकपा एकीकृत समाजवादी माडी नगर कमिटीको जिम्मेवारी दिएपनि त्यसलाई अस्वीकार गर्दै नेकपा एमालेमा रहेको र नेकपा एकीकृत समाजवादीसँग कुनै सम्बन्ध नरहेको जानकारी दिनुभएको हो । पार्टी विभाजनको पक्षमा लाग्नेहरुलाई पनि विमतिका विषयमा पार्टीभित्र रहेर छलफल गर्न अनुरोध गर्दै काफ्लेले नेकपा एमालेमा नै गोलबद्ध हुन आग्रह गर्नुभएको छ ।