चितवनः चितवन राष्ट्रिय निकुञ्ज मध्यवर्ती क्षेत्र व्यवस्थापन समिति चितवनले अदालतबाट पक्राउ परेकाहरु छुटन थालेपछि संरक्षण कार्यमा चुनौती थपिएको जनाएको छ । निकुञ्जका कर्मचारी र सुरक्षा निकायको अथक प्रयासबाट पक्राउ परेकाहरु अदालतबाट सामान्य धरौटीमा छुटन थालेपछि संरक्षणमा चुनौति थपिएको समितिले एक विज्ञप्ती जारी गर्दै जनाएको छ ।
विश्वमा नै नेपाललाई चिनाउने राष्ट्रिय निकुञ्ज र यसमा पाइने एक सिंगे गैंडा, पाटे बाघ लगायत वन्यजन्तुको चोरी शिकारी गर्ने तस्करहरु पुरा कारवाहीको भागिदार भएर छुट्दा समेत पुनः चोरी शिकारीमै संलग्न भएको तथ्यांङ्क सार्वजनिक भइरहँदा अहिले अभियुक्तहरु अदालतबाटै धमाधम छुट्न थालेपछि संरक्षणमा चुनौती थपिएको समितिले जनाएको छ ।
समितिका अध्यक्ष प्रकाश ढुंगानाद्धारा जारी बिज्ञप्तिमा भनिएको छ “चितवन राष्ट्रिय निकुञ्ज र यसमा पाईने यस्ता बहुमुल्य, लोपोन्मुख वन्यजन्तुहरुको तस्करिमा संलग्न व्यक्तिहरु पुरा अबधि कारवाहीको भागिदार भई छुट्दा समेत पुनः चोरीशिकारमा नै संलग्न भएको तथ्याङ्क सार्बजनिक भइरहेको अबस्थामा हाल राट्रिय निकुञ्ज तथा बन्यजन्तु संरक्षण ऐन, २०२९ अनुसार तोकिएको कारवाहीमा परेका व्यक्तिहरु धरौटीमा छोड्ने प्रकृयाले चोरी शिकारमा संलग्न तस्करहरुको मनोवल बढाएको र संरक्षणकर्मीको मनोबल गिराउन पुगेको छ ।”
लोपोन्मुख वन्यजन्तु चोरीशिकारमा संलग्न हुने अपराधीहरुलाई कडा भन्दा कडा कारवाहीको लागि समेत समितिले माग गरेको छ ।
चितवन राष्ट्रिय निकुञ्जले दुर्लभ वन्यजन्तु एक सिंगे गैंडा चोरी शिकारी गरेको अभियोगमा ११ जनालाई पक्राउ गरि अदालतमा पेस गरेकोमा ७ जना धरौटीमा रिहा भएका छन् । निकुञ्ज ऐनमा चोरी शिकार गरेकाहरुलाई १५ वर्ष सम्म कैद र रु १ लाख जरिवाना गर्न सक्ने व्यवस्था रहेको छ ।
चितवनः चितवन राष्ट्रिय निकुञ्ज मध्यवर्ती क्षेत्र व्यवस्थापन समिति चितवनले अदालतबाट पक्राउ परेकाहरु छुटन थालेपछि संरक्षण कार्यमा चुनौती थपिएको जनाएको छ । निकुञ्जका कर्मचारी र सुरक्षा निकायको अथक प्रयासबाट पक्राउ परेकाहरु अदालतबाट सामान्य धरौटीमा छुटन थालेपछि संरक्षणमा चुनौति थपिएको समितिले एक विज्ञप्ती जारी गर्दै जनाएको छ ।
विश्वमा नै नेपाललाई चिनाउने राष्ट्रिय निकुञ्ज र यसमा पाइने एक सिंगे गैंडा, पाटे बाघ लगायत वन्यजन्तुको चोरी शिकारी गर्ने तस्करहरु पुरा कारवाहीको भागिदार भएर छुट्दा समेत पुनः चोरी शिकारीमै संलग्न भएको तथ्यांङ्क सार्वजनिक भइरहँदा अहिले अभियुक्तहरु अदालतबाटै धमाधम छुट्न थालेपछि संरक्षणमा चुनौती थपिएको समितिले जनाएको छ ।
समितिका अध्यक्ष प्रकाश ढुंगानाद्धारा जारी बिज्ञप्तिमा भनिएको छ “चितवन राष्ट्रिय निकुञ्ज र यसमा पाईने यस्ता बहुमुल्य, लोपोन्मुख वन्यजन्तुहरुको तस्करिमा संलग्न व्यक्तिहरु पुरा अबधि कारवाहीको भागिदार भई छुट्दा समेत पुनः चोरीशिकारमा नै संलग्न भएको तथ्याङ्क सार्बजनिक भइरहेको अबस्थामा हाल राट्रिय निकुञ्ज तथा बन्यजन्तु संरक्षण ऐन, २०२९ अनुसार तोकिएको कारवाहीमा परेका व्यक्तिहरु धरौटीमा छोड्ने प्रकृयाले चोरी शिकारमा संलग्न तस्करहरुको मनोवल बढाएको र संरक्षणकर्मीको मनोबल गिराउन पुगेको छ ।”
लोपोन्मुख वन्यजन्तु चोरीशिकारमा संलग्न हुने अपराधीहरुलाई कडा भन्दा कडा कारवाहीको लागि समेत समितिले माग गरेको छ ।
चितवन राष्ट्रिय निकुञ्जले दुर्लभ वन्यजन्तु एक सिंगे गैंडा चोरी शिकारी गरेको अभियोगमा ११ जनालाई पक्राउ गरि अदालतमा पेस गरेकोमा ७ जना धरौटीमा रिहा भएका छन् । निकुञ्ज ऐनमा चोरी शिकार गरेकाहरुलाई १५ वर्ष सम्म कैद र रु १ लाख जरिवाना गर्न सक्ने व्यवस्था रहेको छ ।