ट्याङ्करको ठक्करबाट एक जनाको मृत्यु

चितवन, २ साउन । पूर्वी चितवनको खैरहनीमा ट्याङ्करको ठक्करबाट एकजनाको मृत्यु भएको छ । अर्का एक जना घाईते भएका छन् । इलाका प्रहरी कार्यालय खैरहनीका अनुसार मृत्यु हुनेमा खैरहनी नगरपालिका वडा नम्बर १० की २२ वर्षिया सिर्जना चौधरी रहेकी छन् ।

कार्यालयका प्रहरी निरिक्षक सुबास भट्टका अनुसार आज साँझ ६ वजे मकवानपुरबाट रत्ननगरतर्फ आउँदै गरेको ना ८ ख ३०२४ नम्बरको तेल बोक्ने ट्याङ्करले बिपरित दिशाबाट जाँदै गरेको ना ४४ प ५१२२ नम्बरको मोटरसाईकललाई खैरहनीको पर्साबजार चोकमा ठक्कर दिएको थियो । ठक्करबाट मोटरसाईकलको पछाडी सवार चौधरी घाईते भएकी थिइन । घाइते चौधरीको उपचारका क्रममा पुरानो मेडीकल कलेजमा मृत्यु भएको कार्यालयले जनाएको छ ।

कार्यालयका अनुसार मोटरसाइकल चालक रत्ननगर नगरपालिका वडा नम्बर ३ का २६ वर्षिय सुबास चौधरी घाईते हुनु भएको छ । घाईते सुबासको सोही अस्पतालमा उपचार भईरहेको प्रहरीले जनाएको छ । ठक्कर दिने ट्याङ्कर, चालक र मोटरसाईकल प्रहरीको नियन्त्रणमा रहेको छन् ।