पहिरोले बगाएर दुई जनाको मृत्यु तीनजना बेपत्ता

 चितवन,१७ असार  । पूर्बी चितवनका दुई स्थानमा पहिरोले वगाएर दुई जनाको मृत्यु भएको छ भने तीन जना वेपत्ता भएका छन् ।

राप्ती नगरपालिका र कालिका नगरपालिकामा पहिरोले वगाएको हो । जिल्ला प्रहरी कार्यालय चितवनका अनुसार राप्ती नगरपालिका वडा नम्बर १२ पर्खाल भन्ने स्थानमा माथिबाट पहिरो खसि दुई घर वगाएको हो ।

घर भित्र रहेका चार जनालाई पहिरोले बगाएकोमा एक जना पुरुषको शब घटना स्थलबाट ५० मिटर तल फेला परेको प्रहरी नायव उपरिक्षक सूर्य वहादुर थापाले जानकारी दिनुभयो । मृतकको सनाखत हुन सकेको छैन । अन्यको खोजी भईरहेको छ । घर संगै एउटा गोठ वगाउँदा त्यहाँ रहेका १६ वटा गाईगोरु र १५–१६ वटा वाख्रा समेत वगाएको उहाँले जानकारी दिनुभयो ।

यसै गरि कालिका नगरपालिका वडा नम्बर ११ दानेटारका ५२ वर्षिय ज्ञानवहादुर चेपाङको पहिरोले बगाएर मृत्यु भएको छ । आफन्तको घरमा जाने क्रममा वगाएका उनको घटनास्थलबाट एक किलोमिटर टाढा शब भेटिएको हो । घटना दिउँसो २ वजेको समयमा भएको र घटना स्थल तर्फ प्रहरी जाँदै गरेको थापाले बताउनुभयो ।