भरतपुरमा विद्यार्थीको प्रदर्शन, प्रहरीसँग भडप

भरतपुर, १६ असार । विद्यार्थी दल निकट विद्यार्थी संगठनहरुले आज साँझ भरतपुरमा प्रदर्शन गरेका छन् । त्यस क्रममा सामान्य झपड समेत भएको हो ।

विद्यार्थीहरुले सरकारविरुद्ध गरेको प्रदर्शनमा प्रहरी र प्रदर्शनकारी बीच झडप भएको हो । भरतपुरको वीरेन्द्र क्याम्पस चोकमा भएको प्रदर्शनमा प्रदर्शनकारीहरुले प्रधानमन्त्री केपि शर्मा ओलीको पुत्ला दहन गर्न थालेपछि प्रहरीले हस्तक्षेप गरेको थियो । त्यसपछि प्रहरी र विद्यार्थीबीच झडप सुरु भएको हो ।

झडपका क्रममा प्रहरीले लाठी चार्ज, एक राउण्ड अश्रु ग्यास प्रहार गरेको जनाएको छ । प्रदर्शनकारीहरुले ढुंगा हान्न थालेपछि प्रहरीले अश्रु ग्यास प्रहार गरेको थियो । प्रदर्शनकारीहरुले प्रहरीलाई हातपात समेत गरेका थिए । त्यस क्रममा एक जना एक सशत्र प्रहरी सामान्य घाइते भएको जिल्ला प्रहरी कार्यालय चितवनले जनाएको छ ।