एमाले भरतपुर महानगर कमिटी संगठन विस्तार र सदस्यता नविकरण अभियानमा
न्युजभित्तो/१० असार २०७८, बिहीबार २०:२६
चितवन, १० असार । नेपाल कम्युनिष्ट पार्टी (एमाले) भरतपुर महानगरपालिका कमिटी संगठन विस्तार र सदस्यता नविकरण अभियानमा जुटेको छ । महानगर कमिटीले वडा कमिटी गठन गर्दै सदस्यता नविकरणलाई तीब्रता दिएको हो ।
महानगर कमिटी अध्यक्ष रामप्रसाद न्यौपानेका अनुसार हालसम्म महानगरका २५ वटा वडा कमिटी गठन भईसकेका छन् । यस्तै सदस्यता नविकरणलाई पनि अभियानको रुपमा अघि बढाईएको उहाँले जानकारी दिनुभयो । यही असार २५ गतेसम्म पार्टी सदस्यता नविकरण गरिसक्नु पर्ने छ । बहुसंख्यक एमालेका सदस्यहरुले सदस्यता नविकरण गरिसकेको जानकारी दिंदै उहाँले अलमलमा परेका केही मात्रै बाँकी रहेको बताउनुभयो ।
कुनै अलमलमा नपरी एमालेको पार्टी सदस्यता नविकरण गर्न उहाँले आग्रह गर्नुभयो । उहाँले भन्नुभयो “एमालेको पार्टी सदस्यता नविकरणमा कुनै अलमल पर्नुपर्ने अवस्था छैन । विगतमा नविकरण छुटेका साथीहरुले पनि सदस्यता नविकरण गर्न सक्नुहुनेछ ।” उहाँले कसैको वहकाउमा नपरी पार्टीको मूल प्रवाहमा समाहित हुँदै पार्टी संगठन विस्तार अभियानमा जुट्न समेत आव्हान गर्नुभयो ।
यसैबीच भरतपुर महानगरपालिका वडा नं. ८ को कमिटी आज गठन गरिएको छ । तिलक दर्लामीको अध्यक्षतामा २५ सदस्यीय वडा कमिटी गठन गरिएका हो । कमिटीको उपाध्यक्षमा कृष्ण अम्गाई र सचिवमा सिर्जना पौडेल रहनु भएको छ ।
महानगर कमिटी अध्यक्ष न्यौपानेको प्रमुख अतिथ्यतामा भएको कार्यक्रममा राजु पौडेल, नवराज खनाल, कुलप्रसाद सापकोटा, विष्णुमाया भण्डारी लगायतको उपस्थिति रहेको थियो ।
सो कार्यक्रमलाई सम्बोधन गर्दै प्रमुख अतिथि न्यौपानेले माधव नेपाल पक्षले गरेका गतिविधि पार्टीको हितमा नरहेको बताउँदै यस्ता गतिविधिका पछाडि नलाग्न आव्हान गर्नुभयो । उहाँले भन्नुभयो “पार्टी नीति, विधि र प्रक्रियाभित्र रहेर काम गर्नुपर्छ । पार्टी हित विपरितका क्रियाकलाप सह्य हुँदैनन् ।”
अहिलेको आवश्यकता भनेको सुदृढ एमाले रहेको बताउँदै न्यौपानेले भन्नुभयो “पार्टीभित्रका अराजक गतिविधि नियन्त्रणा गरे मात्रै पार्टी बलियो हुन्छ ।”
चितवन, १० असार । नेपाल कम्युनिष्ट पार्टी (एमाले) भरतपुर महानगरपालिका कमिटी संगठन विस्तार र सदस्यता नविकरण अभियानमा जुटेको छ । महानगर कमिटीले वडा कमिटी गठन गर्दै सदस्यता नविकरणलाई तीब्रता दिएको हो ।
महानगर कमिटी अध्यक्ष रामप्रसाद न्यौपानेका अनुसार हालसम्म महानगरका २५ वटा वडा कमिटी गठन भईसकेका छन् । यस्तै सदस्यता नविकरणलाई पनि अभियानको रुपमा अघि बढाईएको उहाँले जानकारी दिनुभयो । यही असार २५ गतेसम्म पार्टी सदस्यता नविकरण गरिसक्नु पर्ने छ । बहुसंख्यक एमालेका सदस्यहरुले सदस्यता नविकरण गरिसकेको जानकारी दिंदै उहाँले अलमलमा परेका केही मात्रै बाँकी रहेको बताउनुभयो ।
कुनै अलमलमा नपरी एमालेको पार्टी सदस्यता नविकरण गर्न उहाँले आग्रह गर्नुभयो । उहाँले भन्नुभयो “एमालेको पार्टी सदस्यता नविकरणमा कुनै अलमल पर्नुपर्ने अवस्था छैन । विगतमा नविकरण छुटेका साथीहरुले पनि सदस्यता नविकरण गर्न सक्नुहुनेछ ।” उहाँले कसैको वहकाउमा नपरी पार्टीको मूल प्रवाहमा समाहित हुँदै पार्टी संगठन विस्तार अभियानमा जुट्न समेत आव्हान गर्नुभयो ।
यसैबीच भरतपुर महानगरपालिका वडा नं. ८ को कमिटी आज गठन गरिएको छ । तिलक दर्लामीको अध्यक्षतामा २५ सदस्यीय वडा कमिटी गठन गरिएका हो । कमिटीको उपाध्यक्षमा कृष्ण अम्गाई र सचिवमा सिर्जना पौडेल रहनु भएको छ ।
महानगर कमिटी अध्यक्ष न्यौपानेको प्रमुख अतिथ्यतामा भएको कार्यक्रममा राजु पौडेल, नवराज खनाल, कुलप्रसाद सापकोटा, विष्णुमाया भण्डारी लगायतको उपस्थिति रहेको थियो ।
सो कार्यक्रमलाई सम्बोधन गर्दै प्रमुख अतिथि न्यौपानेले माधव नेपाल पक्षले गरेका गतिविधि पार्टीको हितमा नरहेको बताउँदै यस्ता गतिविधिका पछाडि नलाग्न आव्हान गर्नुभयो । उहाँले भन्नुभयो “पार्टी नीति, विधि र प्रक्रियाभित्र रहेर काम गर्नुपर्छ । पार्टी हित विपरितका क्रियाकलाप सह्य हुँदैनन् ।”
अहिलेको आवश्यकता भनेको सुदृढ एमाले रहेको बताउँदै न्यौपानेले भन्नुभयो “पार्टीभित्रका अराजक गतिविधि नियन्त्रणा गरे मात्रै पार्टी बलियो हुन्छ ।”