नेपाल फार्मेसी संघ चितवनमा पन्तको नेतृत्व

चितवन, १७ जेठ । नेपाल फार्मेसी संघ चितवनको अध्यक्षमा बिनोद पन्त चयन हुनु भएको छ । भरतपुरमा आइतवार सम्पन्न फर्मासिष्टहरूको भेलाले पन्तको नेतृत्वमा १६ सदस्यीय नयाँ कार्यसमिति चयन गरेको हो ।

संघको उपाध्यक्षमा पार्वती बगाले र हरि प्रसाद पौडेल, महासचिवमा ओमकार सापकोटा, सचिवमा प्रभात पौडेल र विनय सापकोटा चयन हुनु भएको छ । यस्तै कोषाध्यक्षमा विजय पौडेल, सहकोषाध्यक्षमा अजय घिमिरे चयन हुनु भएको छ । समितिको सदस्यहरूमा सुशील सिग्देल, विशाल खड्का, विनोद लामिछाने, श्रवण ढकाल, प्रदीप पाठक, रोशन बस्नेत, विकास मिश्र र धर्मनाथ यादव चयन हुनु भएको छ ।

संघका केन्द्रीय अध्यक्ष अमृत खनालको प्रमुख आतिथ्यतामा कार्यक्रम भएको थियो । नेपाल फार्मेसी संघ फार्मेसी क्षेत्रको पेशागत हकहितको लागि बनेको फर्मासिष्ट र सहायक फर्मासिष्टहरूको गैर राजनीतिक साझा संगठन हो । नवनिर्वाचित अध्यक्ष पन्तले पेशागत हकहितका लाागि आफू निरन्तर लाग्ने बताउनुभयो ।