आमासहित छोराछोरीको शव झुण्डिएको अवस्थामा फेला

रुपन्देही, ११ जेठ । प्युठानमा आमासहित छोरा र छोरी मृत फेला परेका छन् ।

प्युठान नगरपालिका १ को जंगलमा झुण्डिएको अवस्थामा तीन जना मृत फेला परेको जिल्ला प्रहरी कार्यालय प्युठानले जनाएको छ ।

मृत फेला परेकामा आमा २७ वर्षीया गायत्री सुनार, ६ वर्षीया छोरी प्रकृति सुनार र डेढ वर्षीय छोरा सुशान्त सुनार रहेको जिल्ला प्रहरी कार्यालय प्युठानका प्रवक्ता प्रहरी निरीक्षक देवीप्रसाद गैरेले जानकारी दिए ।

उनीहरु प्युठान नगरपालिका २ का बासिन्दा हुन् । घटनाको विषयमा अनुसन्धान जारी रहेको प्रहरीले जनाएको छ ।