कोभिड–१९ संकट व्यवस्थापन केन्द्र (सिसीएमसी) को प्रमुखमा पूर्व रथी बालानन्द शर्मा नियुक्त

काडमाण्डौं,  ११ जेठ । नेपाली सेनाका अवकासप्राप्त रथी बालानन्द शर्मा कोभिड–१९ संकट व्यवस्थापन केन्द्र (सिसीएमस) को प्रमुखमा नियुक्त हुनुभएको छ । सोमबार बसेको मन्त्रिपरिषदको बैठकले उहाँलाई सचिवसरहको उक्त जिम्मेवारी दिने निर्णय गरेको हो ।

शुक्रबार राजपत्रमा प्रकाशित भएको “कोभिड १९ संकट व्यवस्थापन सम्बन्धमा व्यवस्था गर्न बनेको अध्यादेश” अनुसार शर्मा सिसिएमसीमा नयां सदस्यका रुपमा नियुक्त भएका हुन् । यसअघि सिसिएमसीको प्रमुख प्रधानमन्त्री कार्यालयको सचिव थिए । शर्माले नेपाली सेना र माओवादी सेनाको समायोजन गर्न बनेको विशेष समितिको संयोजक समेत भएर काम गरिसक्नु भएको छ ।