आज देशका केही स्थानमा मेघ गर्जनसहित वर्षा हुने सम्भावना

काठमाडौँ १० जेठ । आज १ नं. प्रदेश लगायतका भू-भागका पहाडी क्षेत्रका केही स्थानमा मेघ गर्जनसहित वर्षा हुने सम्भावना छ । आज राति प्रदेश १, बागमाती र गण्डकी प्रदेशका केही स्थानमा वर्षा हुन सक्ने मौसम पूर्वानुमान महाशाखाले जनाएको छ ।

हाल देशमा पश्चिमी न्यून चापीय प्रणालीको आंशिक प्रभाव रहेको छ भने अहिले प्रदेश नं १ र प्रदेश नं २ का साथै पहाडी भू(भागमा बदली भइरहेको छ ।

भोलि प्रदेश १, प्रदेश २, बागमती प्रदेशका केही स्थानमा वर्षा हुन सक्ने छ । महाशाखाका अनुसार प्रदेश १ र बागमतीका उच्च पहाडी तथा हिमाली भागमा हिमपात तथा वर्षा हुने सम्भावना छ ।

त्यस्तै बुधबार प्रदेश १, प्रदेश २ र बागमती प्रदेशका केही स्थानमा वर्षा हुने छ । गण्डकी, बागमती र प्रदेश १ का उच्च पहाडी तथा हिमाली भू(भागमा हिमपात हुने महाशाखाको पूर्वानुमान छ ।