प्रतिनिधि सभा विघटनको बिरोधमा ने.बि.संघ चितवनद्वारा निषेधाज्ञामा पनि प्रदर्शन

चितवन,०९ जेठ । नेपाल विद्यार्थी संघले सरकारको सिफारिसमा राष्ट्रपतिले प्रतिनिधि सभा विघटन गरेकोमा विरोध गरेको छ।

कोरोनाभाइरस महामारीपछि अहिले देशका ७० भन्दा बढी जिल्लामा निषेधाज्ञा जारी छ। निषेधाज्ञाबीच नै नेविसंघ कार्यकर्ता भने सडकमा देखिएका छन्।

राष्ट्रपति विद्यादेवी भण्डारी र प्रधानमन्त्री केपी शर्मा ओलीले संविधानको मर्म र भावनाविपरीत काम गरेको भन्दै नेविसंघले पुतला दहन तथा प्रदर्शनलाई सुरू गरेको छ।

चितवनमा आज नेविसंघले राष्ट्रपति र प्रधानमन्त्रीको पुतला दहन गर्दै प्रतिनिधि सभा पुनर्स्थापनाको माग गर्दै नारावाजी गरेको छ।

महामारीका बेला स्वास्थ्य सुरक्षा मापदण्ड अपनाउँदै प्रदर्शन गरिएको नेविसंघ चितवनका नेता वसन्त गैरेले बताउनुभयो

उनका अनुसार आज साँझ भरतपुरको चौबीसकोठिमा नेविसंघ चितवनका नेता प्रमेश्वर खनालको नेतृत्वमा प्रदर्शन गरिएको हो। सो प्रदर्शनमा विभिन्न कलेजका इकाइ अध्यक्ष तथा बिद्यार्थी नेताहरुको उपस्थिति रहेको थियो।