अक्सफोर्ड कलेज गैंडाकोटमा ने.बि.संघ गठन,विशाल कोइरालाको अध्यक्षतामा २९कार्यसमिति चयन

रविन देवकोटा – नवलपुर,११ चैत । अक्सफोर्ड कलेज अफ इन्जिनियरिङ एण्ड म्यानजमेन्ट नेपाल बिद्यार्थी संघ मुल समिति आज गठन गरिएको छ।

आज भएको बिद्यार्थी भेलाबाट सर्वसम्मत रुपमा ने.बि.संघ मुल समिति अक्सफोर्ड कलेज अफ इन्जिनियरिङ एण्ड म्यानजमेन्ट गैंडाकोटको इकाई अध्यक्षमा विशाल कोइराला निर्वाचित भएका छन्।

ने.बि.संघ नवलपुरका जिल्ला सदस्य एवम् गैंडाकोटका वडा सदस्य प्रकाश सापकोटाको प्रमुख आतिथ्यतामा सम्पन्न उक्त भेलामा ने.बि.संघ नवलपुर जिल्ला सचिव,ने.बि.संघ अक्सफोर्ड कलेजका पुर्व इकाई अध्यक्ष सुशील काफ्लेको समेत उपस्थिति रहेको नेपाल बिद्यार्थी संघ नवलपुरका नेता श्याम वनले जानकारी दिनुभयो।

उक्त बिद्यार्थी भेलाबाट अक्सफोर्ड कलेज अफ इन्जिनियरिङ एण्ड म्यानजमेन्ट गैंडाकोट नेपाल बिद्यार्थी संघ मुल समितिमा विशाल कोइरालाको नेतृत्वमा २९ कार्यसमिति गठन गरिएको छ।

उक्त भेलाबाट मनोनीत सम्पुर्ण कार्यसमितिलाई ने.बि.संघ पुर्व केन्द्रीय सदस्य प्रमेश्वर खनालले सफल कार्यकालको शुभकामना सहित बधाई दिनुभएको छ।