नारायणगढ, ३ चैत । मदन भण्डारी फाउण्डेशन चितवनले समीक्षा तथा अन्तक्र्रिया कार्यक्रमको आयोजना गरेको छ । गत फागुन ११ गतेदेखि १५ गतेसम्म जिल्लामा सञ्चालित “सुशासन र समृद्धिका लागि सञ्चार” विषयक पत्रकारिता तालिमका विषयमा समीक्षा तथा अन्तक्र्रिया गरिएको हो ।
नारायणगढमा आज मंगलबार आयोजित कार्यक्रममा सहभागीहरुले तालिमले व्यक्तिको जीवनमा परिवर्तन ल्याउनु पर्नेमा जोड दिनुभयो । उहाँहरुले पत्रकारिता तालिमले पेशामा मात्रै नभई राजनीतिक जीवनमा पनि सकारात्मक प्रभाव पार्नेमा जोड दिनुभयो ।
कार्यक्रममा फाउण्डेसनका केन्द्रीय सचिव पेम्बा लामाले प्रशिक्षार्थीहरुलाई आफ्नो क्षेत्रका गतिविधिहरुलाई समाचार बनाउन आग्रह गर्दै लेखन कलालाई निरन्तरता दिएमा छिट्टै सफल सञ्चारकर्मी बन्न सक्ने बताउनुभयो । उहाँले तालिममा सहभागी भएकाहरुले मिडियामा आएका सत्य र भ्रामक समाचारहरु छुट्याउन सक्नु पर्ने बताउनुभयो । उहाँले अगाडि भन्नुभयो “तालिमले मात्रै पुग्दैन, छलफल र निरन्तरको प्रयोगले निखारता ल्याउनुपर्छ ।” राजनीतिकर्मीहरुले राजनीतिलाई पेशा बनाउन नहुने बताउँदै सचिव लामाले भन्नुभयो “हामी राजनीतिकर्मी हौं, राजनीति हाम्रो पेशा होइन ।”
फाउण्डेसनका केन्द्रीय सदस्य तथा बागमती प्रदेश सभासद् दीपक निरौलाले अहिलेको अवस्थामा सीपमुलक जनशक्ति उत्पादन गर्ने फाउण्डेसनको मुख्य लक्ष्य रहेको बताउनु भयो । निरौलाले यस्ता रचनात्मक कार्यले मदन भण्डारीप्रति सच्चा श्रद्धाञ्जली हुने बताउँदै भन्नुभयो “यो तालिम पत्रकारका लागि मात्रै नभई राजनीतिमा पनि उपयोगी हुन्छ ।” उहाँले पार्टीका केही साथीहरुले फाउण्डेसनलाई पार्टीको समानान्तर संगठनको रूपमा प्रचारबाजी गरेकामा असन्तुष्टी व्यक्त गर्दै भन्नुभयो “यस्ता भ्रामक प्रचारबाजीलाई चिर्दै अगाडी बढ्नु पर्छ ।” पार्टीको आन्तरिक जीवनमा पनि सञ्चार आवश्यक रहेको उहाँले औल्याउनुभयो ।
कार्यक्रममा फाउण्डेशन चितवनका संस्थापक अध्यक्ष एवं बागमती प्रदेशका मुख्य मन्त्रीका राजनीतिक सल्लाहकार जेएन थपलिया, नेकपा (एमाले) चितवनका अध्यक्ष पार्वती रावल, प्रदेश सभासद् विजय सुवेदी, फाउण्डेशन चितवनका उपाध्यक्ष एवं नेकपा (एमाले) भरतपुर महानगर कमिटी अध्यक्ष रामप्रसाद न्यौपाने, प्रेस चौतारी नेपाल चितवनका सहसंयोजक कृष्ण आचार्य लगायतले बोल्नु भएको थियो ।
फाउण्डेशन चितवनका अध्यक्ष डा तिलचन्द्र भट्टराईको अध्यक्षतामा भएको कार्यक्रमको सञ्चालन सहसचिव तिलक रिमालले गर्नुभएको थियो ।
मदन भण्डारी फाउण्डेसनको आयोजनामा गत फागुन ११ गतेदेखि १५ गतेसम्म चितवनमा भएको तालिममा मकवानपुर, चितवन सहित अन्य जिल्लाका गरी ३५ जनाको सहभागिता रहेको थियो । तालिममा सञ्चार तथा मिडिया साक्षरता समाचार लेखन शैली, खोजी तथा पैरवी पत्रकारिता, न्यू मिडिया, सञ्चार कानुन र आचारसंहिता, जनताको बहुदलीय जनवादको आयाम र सिद्धान्त, नेकपाको स्थापनाकालदेखि अहिलेसम्मको उत्तरचढाव, फोटोग्राफी लगायतको विषयमा प्रशिक्षण दिईएको थियो ।
कार्यक्रममा प्रशिक्षणमा सहभागी चितवनका सहभागीहरुले तालिमको अनुभव र त्यसपछिको प्रयोगका बारेमा बोल्नुभएको थियो ।
नारायणगढ, ३ चैत । मदन भण्डारी फाउण्डेशन चितवनले समीक्षा तथा अन्तक्र्रिया कार्यक्रमको आयोजना गरेको छ । गत फागुन ११ गतेदेखि १५ गतेसम्म जिल्लामा सञ्चालित “सुशासन र समृद्धिका लागि सञ्चार” विषयक पत्रकारिता तालिमका विषयमा समीक्षा तथा अन्तक्र्रिया गरिएको हो ।
नारायणगढमा आज मंगलबार आयोजित कार्यक्रममा सहभागीहरुले तालिमले व्यक्तिको जीवनमा परिवर्तन ल्याउनु पर्नेमा जोड दिनुभयो । उहाँहरुले पत्रकारिता तालिमले पेशामा मात्रै नभई राजनीतिक जीवनमा पनि सकारात्मक प्रभाव पार्नेमा जोड दिनुभयो ।
कार्यक्रममा फाउण्डेसनका केन्द्रीय सचिव पेम्बा लामाले प्रशिक्षार्थीहरुलाई आफ्नो क्षेत्रका गतिविधिहरुलाई समाचार बनाउन आग्रह गर्दै लेखन कलालाई निरन्तरता दिएमा छिट्टै सफल सञ्चारकर्मी बन्न सक्ने बताउनुभयो । उहाँले तालिममा सहभागी भएकाहरुले मिडियामा आएका सत्य र भ्रामक समाचारहरु छुट्याउन सक्नु पर्ने बताउनुभयो । उहाँले अगाडि भन्नुभयो “तालिमले मात्रै पुग्दैन, छलफल र निरन्तरको प्रयोगले निखारता ल्याउनुपर्छ ।” राजनीतिकर्मीहरुले राजनीतिलाई पेशा बनाउन नहुने बताउँदै सचिव लामाले भन्नुभयो “हामी राजनीतिकर्मी हौं, राजनीति हाम्रो पेशा होइन ।”
फाउण्डेसनका केन्द्रीय सदस्य तथा बागमती प्रदेश सभासद् दीपक निरौलाले अहिलेको अवस्थामा सीपमुलक जनशक्ति उत्पादन गर्ने फाउण्डेसनको मुख्य लक्ष्य रहेको बताउनु भयो । निरौलाले यस्ता रचनात्मक कार्यले मदन भण्डारीप्रति सच्चा श्रद्धाञ्जली हुने बताउँदै भन्नुभयो “यो तालिम पत्रकारका लागि मात्रै नभई राजनीतिमा पनि उपयोगी हुन्छ ।” उहाँले पार्टीका केही साथीहरुले फाउण्डेसनलाई पार्टीको समानान्तर संगठनको रूपमा प्रचारबाजी गरेकामा असन्तुष्टी व्यक्त गर्दै भन्नुभयो “यस्ता भ्रामक प्रचारबाजीलाई चिर्दै अगाडी बढ्नु पर्छ ।” पार्टीको आन्तरिक जीवनमा पनि सञ्चार आवश्यक रहेको उहाँले औल्याउनुभयो ।
कार्यक्रममा फाउण्डेशन चितवनका संस्थापक अध्यक्ष एवं बागमती प्रदेशका मुख्य मन्त्रीका राजनीतिक सल्लाहकार जेएन थपलिया, नेकपा (एमाले) चितवनका अध्यक्ष पार्वती रावल, प्रदेश सभासद् विजय सुवेदी, फाउण्डेशन चितवनका उपाध्यक्ष एवं नेकपा (एमाले) भरतपुर महानगर कमिटी अध्यक्ष रामप्रसाद न्यौपाने, प्रेस चौतारी नेपाल चितवनका सहसंयोजक कृष्ण आचार्य लगायतले बोल्नु भएको थियो ।
फाउण्डेशन चितवनका अध्यक्ष डा तिलचन्द्र भट्टराईको अध्यक्षतामा भएको कार्यक्रमको सञ्चालन सहसचिव तिलक रिमालले गर्नुभएको थियो ।
मदन भण्डारी फाउण्डेसनको आयोजनामा गत फागुन ११ गतेदेखि १५ गतेसम्म चितवनमा भएको तालिममा मकवानपुर, चितवन सहित अन्य जिल्लाका गरी ३५ जनाको सहभागिता रहेको थियो । तालिममा सञ्चार तथा मिडिया साक्षरता समाचार लेखन शैली, खोजी तथा पैरवी पत्रकारिता, न्यू मिडिया, सञ्चार कानुन र आचारसंहिता, जनताको बहुदलीय जनवादको आयाम र सिद्धान्त, नेकपाको स्थापनाकालदेखि अहिलेसम्मको उत्तरचढाव, फोटोग्राफी लगायतको विषयमा प्रशिक्षण दिईएको थियो ।
कार्यक्रममा प्रशिक्षणमा सहभागी चितवनका सहभागीहरुले तालिमको अनुभव र त्यसपछिको प्रयोगका बारेमा बोल्नुभएको थियो ।