संगठन पुन:र्निर्माणको लागि माओवादीले बनायो कार्यदल

काठमाडौं, २६ फागुन। नेकपा माओवादी केन्द्रले संगठन पुन:र्निर्माणको कार्ययोजना बनाउन ४ सदस्यीय कार्यदल बनाएको छ ।

सर्वोच्चको फैसलापछि एमाले र माओवादी दुवै पार्टी ब्युँतिएको अवस्थामा पार्टीको संरचना पुनर्गठन, जिम्मेवारी हेरफेरलगायतका काम गर्न गिरिराजमणी पोखरेल, वर्षमान पुन, पम्फा भुसाल र जनार्दन शर्मारहेको कार्यदल बनाइएको हो ।

पेरिसडाँडामा केहीबेरअघि सकिएको स्थायी कमिटी बैठकले नयाँ सरकार गठनका लागि नेपाली कांग्रेस र जनता समाजवादी पार्टीसँग थप छलफल गर्ने निर्णय गरेको नेता नारायणकाजी श्रेष्ठले जानकारी दिए ।

बैठकमा मंगलबार जसपा र कांग्रेस नेतृत्वसँग भएको छलफलबारे अध्यक्ष पुष्पकमल दाहाल ‘प्रचण्ड’ ले जानकारी गराएका छन् ।