एमाले – माओवादी व्युँतिएको पत्र संसदमा, प्रचण्ड – माधवको बसाई अलग
न्युजभित्तो/२६ फाल्गुन २०७७, बुधबार ११:०६
काठमाडौं, २६फागुन । प्रतिनिधिसभामा आज बुधबार देखि नेकपा एमाले र नेकपा माओवादीकेन्द्र अलग संसदीय दलको रुपमा अस्थित्वमा आएका छन् । प्रतिनिधिसभाको बुधबारको बैठकमा माओवादी केन्द्र सत्तापक्षमा बस्छ कि प्रतिपक्षमा भन्ने चाहिँ टुंगो लागेको छैन ।
नेकपा माओवादी केन्द्रका प्रमुख सचेतक देव गुरुङले त्यसबारे छलफल भइरहेको बताउनु भयो । एमाले र माओवादी अलग भए पनि माओवादी केन्द्रले सरकारलाई दिएको समर्थन फिर्ता लिइसकेको छैन । आफूहरु सत्ता पक्ष वा प्रतिपक्ष कहाँ बस्ने भन्ने कुराा संसद सचिवालयले व्यवस्था गरे अनुसार हुने गुरुङले बताउनु भयो ।
निर्वाचन आयोगले केपी शर्मा ओलीलाई नेकपा एमाले र पुष्पकमल दाहाल प्रचण्डलाई माओवादी केन्द्र दिइएको पत्र संसद सचिवालयलाई मंगलवार नै पठाइसकेको छ । सो पत्र सबै प्रदेशसभा सचिवालयहरुमा पनि पुगेको छ ।
संसद सचिवालयका प्रवक्ता रोजनाथ पाण्डेले निर्वाचन आयोगको पत्र बमोजिम अब एमाले र माओवादी केन्द्रका सांसदहरुको बस्ने सिट व्यवस्थापन मिलाइने बताए । माओवादी केन्द्र विपक्षमा गएको सूचना नआएकाले आज सत्तापक्षकै अर्को लहरमा व्यवस्था हुने पाण्डेले नेपाल प्रेसलाई जानकारी दिनुभयो ।
उहांले भनुभयो, ‘आयोगको पत्र प्राप्त भएको छ । अहिलेसम्म उहाँहरु सत्तापक्षमै रहेको हुनाले सत्तापक्षकै लहरमा अर्को व्यवस्थापन गरिन्छ । हिजोसम्म एउटै दलको हुनाले एकै ठाउँमा हुनुहुन्थ्यो, आजबाट नजिकै अरु व्यवस्था गरिन्छ ।’
पुनःस्थापित प्रतिनिसभाको पहिलो बैठकका दिनसम्म सत्तापक्षका सांसदको पहिलो लहरमा प्रचण्ड, माधव नेपाल, झलनाथ खनाल र सुवास नेम्वाङ बस्ने गरेका हुन् । आजबाट प्रचण्ड सत्तापक्षकै लहरमा रहे पनि माधव नेपाल झलनाथहरुसँग बस्ने छैनन् ।
अब प्रतिनिधिसभामा माओवादी केन्द्र तेस्रो दल बनेको छ । चौथो दलका रुपमा जसपा रहनेछ भने अन्य साना दलहरु राप्रपा, नेपाल मजदूर किसान पार्टी र राष्ट्रिय जनमोर्चाका एक एक सांसद छन् ।
काठमाडौं, २६फागुन । प्रतिनिधिसभामा आज बुधबार देखि नेकपा एमाले र नेकपा माओवादीकेन्द्र अलग संसदीय दलको रुपमा अस्थित्वमा आएका छन् । प्रतिनिधिसभाको बुधबारको बैठकमा माओवादी केन्द्र सत्तापक्षमा बस्छ कि प्रतिपक्षमा भन्ने चाहिँ टुंगो लागेको छैन ।
नेकपा माओवादी केन्द्रका प्रमुख सचेतक देव गुरुङले त्यसबारे छलफल भइरहेको बताउनु भयो । एमाले र माओवादी अलग भए पनि माओवादी केन्द्रले सरकारलाई दिएको समर्थन फिर्ता लिइसकेको छैन । आफूहरु सत्ता पक्ष वा प्रतिपक्ष कहाँ बस्ने भन्ने कुराा संसद सचिवालयले व्यवस्था गरे अनुसार हुने गुरुङले बताउनु भयो ।
निर्वाचन आयोगले केपी शर्मा ओलीलाई नेकपा एमाले र पुष्पकमल दाहाल प्रचण्डलाई माओवादी केन्द्र दिइएको पत्र संसद सचिवालयलाई मंगलवार नै पठाइसकेको छ । सो पत्र सबै प्रदेशसभा सचिवालयहरुमा पनि पुगेको छ ।
संसद सचिवालयका प्रवक्ता रोजनाथ पाण्डेले निर्वाचन आयोगको पत्र बमोजिम अब एमाले र माओवादी केन्द्रका सांसदहरुको बस्ने सिट व्यवस्थापन मिलाइने बताए । माओवादी केन्द्र विपक्षमा गएको सूचना नआएकाले आज सत्तापक्षकै अर्को लहरमा व्यवस्था हुने पाण्डेले नेपाल प्रेसलाई जानकारी दिनुभयो ।
उहांले भनुभयो, ‘आयोगको पत्र प्राप्त भएको छ । अहिलेसम्म उहाँहरु सत्तापक्षमै रहेको हुनाले सत्तापक्षकै लहरमा अर्को व्यवस्थापन गरिन्छ । हिजोसम्म एउटै दलको हुनाले एकै ठाउँमा हुनुहुन्थ्यो, आजबाट नजिकै अरु व्यवस्था गरिन्छ ।’
पुनःस्थापित प्रतिनिसभाको पहिलो बैठकका दिनसम्म सत्तापक्षका सांसदको पहिलो लहरमा प्रचण्ड, माधव नेपाल, झलनाथ खनाल र सुवास नेम्वाङ बस्ने गरेका हुन् । आजबाट प्रचण्ड सत्तापक्षकै लहरमा रहे पनि माधव नेपाल झलनाथहरुसँग बस्ने छैनन् ।
अब प्रतिनिधिसभामा माओवादी केन्द्र तेस्रो दल बनेको छ । चौथो दलका रुपमा जसपा रहनेछ भने अन्य साना दलहरु राप्रपा, नेपाल मजदूर किसान पार्टी र राष्ट्रिय जनमोर्चाका एक एक सांसद छन् ।