राप्ती तटीय क्षेत्र सरसफाई अभियानले विश्व वन्यजन्तु दिवस मनायो

चितवन, १९ फागुन । वन र जीविकोपार्जन, पृथ्वीमा दिगो जीवनको आधार भन्ने नाराका साथ आज विश्व वन्यजन्तु दिवस मनाइएको छ । समुदायमा आधारित चोरीशिकारी नियन्त्रण युवा संजाल दिवस पनि मनाइएको छ।

संरक्षण र सरसफाईमा कार्य गरिरहेको राप्ती तटीय क्षेत्र सरसफाई अभियान चितवनले बुधवार भरतपुर २२ पटलहरमा एक विशेष कार्यक्रम गरी विश्व वन्यजन्तु दिवस सम्पन्न गरेको छ। बाल विद्याश्रम ई स्कूलमा बाघ गैंडा संरक्षण पाठशाला नाम दिई बिद्यालयका बिद्यार्थीहरुका माझ चेतनामुलक कक्षा संचालन गरेको थियो ।

कार्यक्रममा संरक्षणकर्मी एवं राप्ती तटीय क्षेत्र सरसफाई अभियान चितवनका संयोजक अपिल घिमिरेले वन्यजन्तुको वासस्थान , दुर्लव वन्यजन्तुको अवस्था, उनीहरुको खाना लगायतको विषयमा सिकाउनु भएको थियो। जनावरले किन आक्रमण गर्छ ? यो अवस्थमा कसरी जोगिने ? वन्यजन्तु लोप भएमा मानवलाई के हानी गर्छ ? यिनको कसरी संरक्षण गर्ने ? भन्ने बारे घिमिरेले प्रसिक्षण दिनु भएको थियो।

कार्यक्रममा बिद्यालयका शिक्षक सहित ८५ जना बिद्यार्थी सहभागी रहेका थिए। विद्यालयका प्राचार्य दिपेन्द्र गौतमले कार्यक्रमले वन्यजन्तु संरक्षणमा जागरण ल्याएको भन्दै आयोजकलाई धन्यवाद प्रकट गर्नु भएको थियो ।