कर्मचारी मिलन केन्द्र चितवनद्वारा प्रधानमन्त्री दैवी प्रकोप उद्धार कोषमा रकम जम्मा

चितवन, १७ भदौ । कर्मचारी मिलन केन्द्र चितवनले बाढी पीडितको राहत तथा उद्धारका लागि प्रधानमन्त्री दैवी प्रकोप उद्धार कोषमा रकम जम्मा गरेको छ । कोषको खातामा रु ५१ हजार १११ जम्मा गरिएको हो ।

संस्थाका अध्यक्ष पुण्यबिक्रम खड्काले भोटेकोशी नदीमा आएको बाढीबाट प्रभावित बनेका नागरिकहरुलाई सहयोग पु¥याउने उद्देश्यले उक्त रकम कोषमा जम्मा गरिएको जानकारी दिनुभयो । सरकारी कर्मचारीहरुले आफ्नो तलबबाट राहत कोषमा रकम जम्मा गर्ने गरी निर्णय भईसकेको छ । यसका अतिरिक्त संस्थाको तर्फबाट पनि सहयोग गरिएको उहाँले बताउनुभयो ।

जिल्ला स्थित सरकारी कार्यालयका प्रमुख सहित कर्मचारीहरु केन्द्रका सदस्य हुने गर्दछन् । यसको संरक्षक प्रमुख जिल्ला अधिकारी हुने व्यवस्था छ । यस केन्द्रले सरकारी कर्मचारीहरुको स्वागत, बिदाई लगायतका कर्मचारीसँग सम्बन्धित गतिबिधिहरु गर्ने गर्दछ ।