प्रेस स्वतन्त्रता दिवसमा चितवनमा प्रभातफेरी

भरतपुर :

विश्व प्रेस स्वतन्त्रता दिवसको अवसरमा नेपाल पत्रकार महासंघ जिल्ला शाखा चितवनले शुक्रबार भरतपुरमा प्रभातफेरी कार्यक्रम सम्पन्न गरेको छ । शाखाको कार्यालयबाट शुरु भएको प्रभातफेरी चौबीसकोठीमा पुगेर सम्पन्न भएको थियो ।

प्रभातफेरी पछि आयोजित सभालाई सम्बोधन गर्दै महासंघ चितवन शाखा अध्यक्ष राधेश्याम खतिवडाले नेपालमा अझै पनि पूर्ण प्रेस स्वतन्त्रता नरहेको बताउनुभयो । राज्यले प्रेस स्वतन्त्रताको जति कुरा गरे पनि कार्यान्वयन फितलो रहेको उहाँको भनाई थियो ।

प्रभातफेरीमा पत्रकार सम्बद्ध बिभिन्नसँग संघ संगठनका केन्द्र, प्रदेश र जिल्लाको नेतृत्व सहति पत्रकारहरुको सहभागिता रहेको थियो ।