चितवन, १८ फागुन । चितवन क्षेत्र नं. ३ मा नेपाली कम्युनिष्ट पार्टी (नेकपा) का तर्फबाट उम्मेदवार रेनु दाहालले आफ्नो जीत सुनिश्चित भईसकेको बताउनु भएको छ । आज साँझ पत्रकार सम्मेलन गर्दै उहाँले आफ्नो जीत सुनिश्चित भएको बताउनु भएको हो ।
क्षेत्रभित्रका सबै मतदाताको घरदैलोमा पुगेर फर्किएपछि आफ्नो जीत सुनिश्चित भएको पाएको उहाँको भनाई छ । उहाँले भन्नुभयो “मेरो जीत सुनिश्चित भईसकेको छ, मतको फरक कति हुन्छ भन्ने एकिन भन्न सकिन्न ।” आफू जनतामाझ जाँदा कसैलाई परिचय दिनु नपरेको चर्चा गर्दै उहाँले भन्नुभयो “मैले गरेका कामको फेहरिस्ता जनताबाट सुन्न पाएँ, अत्यन्तै खुशी लागेको छ ।” भरतपुर महानगरमा आफूले गरेको कामले नै आफूलाई चिनाएको भन्दै दाहालले विकास, सुशासन र समृद्धि गरेर देखाएका कारण मतदाताले आफूलाई जिताउने उहाँको विश्वास छ ।
भरतपुर विकास मोडल राष्ट्रिय रुपमा लागू गर्न आफ्नो उम्मेदवारी रहेको भन्दै उहाँले मतदाताको उत्साह देख्दा आफू भारी मतका साथ विजयी हुने बताउनुभयो । उहाँले थप्नुभयो “मतदाता सामु पुग्दा अपार माया, सद्भाव र विश्वास पाएकी छु, त्यो मतमा परिणत हुनेमा ढुक्क छु ।”
उहाँले अगाडि थप्नुभयो “भरतपुर महानगरपालिकामा दुई कार्यकाल काम गर्दा जनताको मन मुटुमा बस्न सकेकी रहिछु भन्ने कुराले मलाई निकै खुशी तुल्याएको छ ।” मत माग्न जाँदा कहिकतैबाट पनि नकारात्मक टिप्पणी सुन्न नपरेको भन्दै उहाँले भन्नुभयो “बृद्धबृद्धादेखि बालबालिकासम्मले मैले गरेका कामबारे जानकार हुनुहुँदो रहेछ, यसमा म निकै खुशी छु ।”
भरतपुर महानगरमा भएका भौतिक पूर्वाधार, शिक्षा, स्वास्थ्य, कृषि लगायत समग्र क्षेत्रको विकासले नै आफूलाई यस क्षेत्रमा राम्रोसँग परिचित गराएको भन्दै उहाँले धेरै मतदाताले गरेर देखाउने व्यक्तिका रुपमा आफूलाई चिनाएको बताउनुभयो । दुई कार्यकाल स्थानीय तहमा काम गरेर संघीय संसदमा पहिलो पटक जान लागेको भन्दै उहाँले भन्नुभयो “म सांसद पदका लागि नयाँ हो, यहाँ नयाँ हुँ भन्नेहरु यस अघि नै परीक्षण भईसकेका पुराना हुनु ।”
विदेशमा रहेका नेपालीहरुले पनि आफ्नो चर्चा गर्ने गरेको बताउँदै उहाँले विदेशबाट समेत जीतको शुभकामना आईरहेको बताउनुभयो । उहाँले भन्नुभयो “धेरैले मलाई ‘तपाई भोट माग्न जानै पर्दैन, कामले नै भोट मागिरहेको छ’ भन्ने गर्नुभएको छ ।”
चितवन, १८ फागुन । चितवन क्षेत्र नं. ३ मा नेपाली कम्युनिष्ट पार्टी (नेकपा) का तर्फबाट उम्मेदवार रेनु दाहालले आफ्नो जीत सुनिश्चित भईसकेको बताउनु भएको छ । आज साँझ पत्रकार सम्मेलन गर्दै उहाँले आफ्नो जीत सुनिश्चित भएको बताउनु भएको हो ।
क्षेत्रभित्रका सबै मतदाताको घरदैलोमा पुगेर फर्किएपछि आफ्नो जीत सुनिश्चित भएको पाएको उहाँको भनाई छ । उहाँले भन्नुभयो “मेरो जीत सुनिश्चित भईसकेको छ, मतको फरक कति हुन्छ भन्ने एकिन भन्न सकिन्न ।” आफू जनतामाझ जाँदा कसैलाई परिचय दिनु नपरेको चर्चा गर्दै उहाँले भन्नुभयो “मैले गरेका कामको फेहरिस्ता जनताबाट सुन्न पाएँ, अत्यन्तै खुशी लागेको छ ।” भरतपुर महानगरमा आफूले गरेको कामले नै आफूलाई चिनाएको भन्दै दाहालले विकास, सुशासन र समृद्धि गरेर देखाएका कारण मतदाताले आफूलाई जिताउने उहाँको विश्वास छ ।
भरतपुर विकास मोडल राष्ट्रिय रुपमा लागू गर्न आफ्नो उम्मेदवारी रहेको भन्दै उहाँले मतदाताको उत्साह देख्दा आफू भारी मतका साथ विजयी हुने बताउनुभयो । उहाँले थप्नुभयो “मतदाता सामु पुग्दा अपार माया, सद्भाव र विश्वास पाएकी छु, त्यो मतमा परिणत हुनेमा ढुक्क छु ।”
उहाँले अगाडि थप्नुभयो “भरतपुर महानगरपालिकामा दुई कार्यकाल काम गर्दा जनताको मन मुटुमा बस्न सकेकी रहिछु भन्ने कुराले मलाई निकै खुशी तुल्याएको छ ।” मत माग्न जाँदा कहिकतैबाट पनि नकारात्मक टिप्पणी सुन्न नपरेको भन्दै उहाँले भन्नुभयो “बृद्धबृद्धादेखि बालबालिकासम्मले मैले गरेका कामबारे जानकार हुनुहुँदो रहेछ, यसमा म निकै खुशी छु ।”
भरतपुर महानगरमा भएका भौतिक पूर्वाधार, शिक्षा, स्वास्थ्य, कृषि लगायत समग्र क्षेत्रको विकासले नै आफूलाई यस क्षेत्रमा राम्रोसँग परिचित गराएको भन्दै उहाँले धेरै मतदाताले गरेर देखाउने व्यक्तिका रुपमा आफूलाई चिनाएको बताउनुभयो । दुई कार्यकाल स्थानीय तहमा काम गरेर संघीय संसदमा पहिलो पटक जान लागेको भन्दै उहाँले भन्नुभयो “म सांसद पदका लागि नयाँ हो, यहाँ नयाँ हुँ भन्नेहरु यस अघि नै परीक्षण भईसकेका पुराना हुनु ।”
विदेशमा रहेका नेपालीहरुले पनि आफ्नो चर्चा गर्ने गरेको बताउँदै उहाँले विदेशबाट समेत जीतको शुभकामना आईरहेको बताउनुभयो । उहाँले भन्नुभयो “धेरैले मलाई ‘तपाई भोट माग्न जानै पर्दैन, कामले नै भोट मागिरहेको छ’ भन्ने गर्नुभएको छ ।”