शहीदहरुको सम्झनामा देवघाटमा लाखबत्ति प्रज्वलन

देवघाट । शहीदहरुको सम्झनामा आज देवघाटमा लाखबत्ति प्रज्वलन गरिएको छ । केन्द्रीय अमर प्रहरी शहीद परिवार संघ नेपाल, चितवनको आयोजनामा देवघाटधाममा शहीदहरुको आत्म शान्तिको लागि लाखबत्ति प्रज्वलन गरिएको हो ।

केन्द्रीय अमर प्रहरी शहीद परिवार संघ नेपालका सल्लाहकार विष्णुप्रसाद सापकोटाले लाखबत्ति प्रज्वलन कार्यक्रमको उद्घाटन गर्नुभएको थियो । सापकोटाले शहीदहरुले बगाएको रगतलाई खेर जान दिन नहुने बताउनुभयो ।

त्यस अवसरमा पूर्व प्रहरी संघका केन्द्रिय सदस्य रामकृष्ण कार्कीले शहीद प्रहरी परिवारको पक्षमा आफुहरु सधैँभरी लडिरहने बताउनुभयो । कार्यक्रममा पूर्व प्रहरी संघ चितवनका उपाध्यक्ष तिलकबहादुर खड्का, जिल्ला सदस्य लालुमाया श्रेष्ठ लगायतको उपस्थिति रहेको थियो ।

केन्द्रीय अमर प्रहरी शहीद परिवार संघ नेपालका उपाध्यक्ष लालकुमारी सिलुवालले स्वागत मन्तब्य राख्नुभएको कार्यक्रम केन्द्रीय अमर प्रहरी शहीद परिवार संघ नेपालका अध्यक्ष सरस्वती पौडेलको अध्यक्षतामा भएको थियो । लाखबत्ति प्रज्वलन कार्यक्रममा सशस्त्र द्वन्द्वमा वीरगति प्राप्त गर्ने शहीद प्रहरी परिवारका ५० जना भन्दा बढी सदस्यहरुको सहभागिता रहेको थियो ।