चितवन । मेला तथा चाडपर्वमा थुप्रिएको देवघाटधाम क्षेत्रको फोहर आज वृहत् सरसफाई कार्यक्रम गरी सफा गरिएको छ ।
युथ क्लब नारायणगढको आयोजनामा देवघाटधामको चितवन तर्फको स्थानमा सरसफाई गरिएको हो । मेलामा आएका भक्तजनहरुले फालेका विभिन्न प्रकारका फोहोर सङ्कलन गरी उचित स्थानमा विसर्जन गरिएको युथ क्लब नारायणगढका उपाध्यक्ष शालिग्राम नेपालले जानकारी दिनुभयो ।
देवघाट क्षेत्र विकास समितिको आहनमा युथ क्लब नारायणगढले आयोजना गरेको कार्यक्रममा स्थानीय समुदाय, सीताराम संस्कृत माध्यमिक विद्यालयका शिक्षक, विद्यार्थी, प्रहरी, इलाइट ग्रुप, वाग्लुङ कालिका फोर्सलगायतको सहभागिता रहेको थियो । क्लबका अध्यक्ष रामबाबु श्रेष्ठको अध्यक्षतामा भएको कार्यक्रममा देवघाट क्षेत्र विकास समितिका सदस्य नवराज ढकालले सरसफाई कुनै संस्थाले नभई व्यक्ति आफै जागरुक भएर गर्नुपर्ने बताउनुभयो ।
कार्यक्रममा देवघाट क्षेत्र विकास समितिका पूर्व अध्यक्ष डाक्टर गुरुप्रसाद सुवेदी, क्बलका पूर्व अध्यक्ष सुरेश श्रेष्ठ, निवर्तमान अध्यक्ष भगवानकुमार जोशीलगायतको सहभागिता थियो । करिब दुइसय जना सहभागी भएको कार्यक्रमबाट दुइ टन फोहोर सङ्कलन भएको आयोजक संस्थाका अध्यक्ष श्रेष्ठले जानकारी दिनुभयो ।
देवघाटमा आउने भक्तजनलाई फोहोर हुने सामग्री प्रयोग नगर्न र तोकिएको स्थानमा मात्र फोहोर फाल्न देवघाट क्षेत्र विकास समितिका अध्यक्ष शिवराज पौडेलले आग्रह गर्नुभएको छ । धार्मिक स्थान कुनै एक व्यक्तिको नभई सबैको भएकाले यहाँ फोहोर नगरीदिन हुन क्षेत्र विकास समितिका कार्यकारी निर्देशक धिरनबाबु घिमिरेले अनुरोध गर्नुभयो ।
चितवन । मेला तथा चाडपर्वमा थुप्रिएको देवघाटधाम क्षेत्रको फोहर आज वृहत् सरसफाई कार्यक्रम गरी सफा गरिएको छ ।
युथ क्लब नारायणगढको आयोजनामा देवघाटधामको चितवन तर्फको स्थानमा सरसफाई गरिएको हो । मेलामा आएका भक्तजनहरुले फालेका विभिन्न प्रकारका फोहोर सङ्कलन गरी उचित स्थानमा विसर्जन गरिएको युथ क्लब नारायणगढका उपाध्यक्ष शालिग्राम नेपालले जानकारी दिनुभयो ।
देवघाट क्षेत्र विकास समितिको आहनमा युथ क्लब नारायणगढले आयोजना गरेको कार्यक्रममा स्थानीय समुदाय, सीताराम संस्कृत माध्यमिक विद्यालयका शिक्षक, विद्यार्थी, प्रहरी, इलाइट ग्रुप, वाग्लुङ कालिका फोर्सलगायतको सहभागिता रहेको थियो । क्लबका अध्यक्ष रामबाबु श्रेष्ठको अध्यक्षतामा भएको कार्यक्रममा देवघाट क्षेत्र विकास समितिका सदस्य नवराज ढकालले सरसफाई कुनै संस्थाले नभई व्यक्ति आफै जागरुक भएर गर्नुपर्ने बताउनुभयो ।
कार्यक्रममा देवघाट क्षेत्र विकास समितिका पूर्व अध्यक्ष डाक्टर गुरुप्रसाद सुवेदी, क्बलका पूर्व अध्यक्ष सुरेश श्रेष्ठ, निवर्तमान अध्यक्ष भगवानकुमार जोशीलगायतको सहभागिता थियो । करिब दुइसय जना सहभागी भएको कार्यक्रमबाट दुइ टन फोहोर सङ्कलन भएको आयोजक संस्थाका अध्यक्ष श्रेष्ठले जानकारी दिनुभयो ।
देवघाटमा आउने भक्तजनलाई फोहोर हुने सामग्री प्रयोग नगर्न र तोकिएको स्थानमा मात्र फोहोर फाल्न देवघाट क्षेत्र विकास समितिका अध्यक्ष शिवराज पौडेलले आग्रह गर्नुभएको छ । धार्मिक स्थान कुनै एक व्यक्तिको नभई सबैको भएकाले यहाँ फोहोर नगरीदिन हुन क्षेत्र विकास समितिका कार्यकारी निर्देशक धिरनबाबु घिमिरेले अनुरोध गर्नुभयो ।