मेलबर्न, ११ मंसिर । अस्ट्रेलियाको न्यु साउथ वेल्स राज्यको दुर्गम समुद्री तटमा पौडी खेल्ने क्रममा शार्कको आक्रमणबाट एक महिलाको मृत्यु भएको छ । अर्का एक पुरुष गम्भीर घाइते भएका छन् ।
२० वर्षकी महिलाको घटनास्थलमै मृत्यु भएको छ भने सोही उमेरका पुरुषलाई गम्भीर अवस्थामा अस्पताल लगिएको प्रहरीले बताएको छ । स्थानीय समयअनुसार बिहीबार बिहानै सिड्नीबाट ३०० किलोमिटर उत्तरमा रहेको क्राउडी बे राष्ट्रिय निकुञ्जको काइलीज तटमा प्यारामेडिक्सलाई बोलाइएको थियो ।
आक्रमण गर्ने शार्क ठुलो किसिमको बुल शार्क हुनसक्ने बताइएको छ । बुल शार्क ताजा पानी र नुनिलो पानी दुवै ठाउँमा भेटिन्छन् । यी शार्क मान्छेका लागि घातक हुने जनाइएको छ ।
यो शार्क तेस्रो सबैभन्दा घातक प्रजाति भएको इन्टरनेसनल शार्क अट्याक फाइलले देखाएको छ । उक्त घटनासँगै अहिलेका लागि सो समुद्री तट सर्वसाधारणका लागि बन्द गरिएको छ ।
त्यस आसपासको तट पनि अर्को २४ घण्टाका लागि बन्द गरिएको र सो क्षेत्रमा ड्रोनबाट निगरानी गरिने सर्फ लाइफ सेभिङ न्यु साउथ वेल्सले जनाएको छ । अस्ट्रेलियामा शार्कको यो पाँचौँ घातक आक्रमण हो ।
मेलबर्न, ११ मंसिर । अस्ट्रेलियाको न्यु साउथ वेल्स राज्यको दुर्गम समुद्री तटमा पौडी खेल्ने क्रममा शार्कको आक्रमणबाट एक महिलाको मृत्यु भएको छ । अर्का एक पुरुष गम्भीर घाइते भएका छन् ।
२० वर्षकी महिलाको घटनास्थलमै मृत्यु भएको छ भने सोही उमेरका पुरुषलाई गम्भीर अवस्थामा अस्पताल लगिएको प्रहरीले बताएको छ । स्थानीय समयअनुसार बिहीबार बिहानै सिड्नीबाट ३०० किलोमिटर उत्तरमा रहेको क्राउडी बे राष्ट्रिय निकुञ्जको काइलीज तटमा प्यारामेडिक्सलाई बोलाइएको थियो ।
आक्रमण गर्ने शार्क ठुलो किसिमको बुल शार्क हुनसक्ने बताइएको छ । बुल शार्क ताजा पानी र नुनिलो पानी दुवै ठाउँमा भेटिन्छन् । यी शार्क मान्छेका लागि घातक हुने जनाइएको छ ।
यो शार्क तेस्रो सबैभन्दा घातक प्रजाति भएको इन्टरनेसनल शार्क अट्याक फाइलले देखाएको छ । उक्त घटनासँगै अहिलेका लागि सो समुद्री तट सर्वसाधारणका लागि बन्द गरिएको छ ।
त्यस आसपासको तट पनि अर्को २४ घण्टाका लागि बन्द गरिएको र सो क्षेत्रमा ड्रोनबाट निगरानी गरिने सर्फ लाइफ सेभिङ न्यु साउथ वेल्सले जनाएको छ । अस्ट्रेलियामा शार्कको यो पाँचौँ घातक आक्रमण हो ।