नारायणगढ–मुग्लिन सडक दुईतर्फी सञ्चालनमा

भरतपुर, १९ साउन । नारायणगढ-मुग्लिन सडक खण्ड दुईतर्फी सञ्चालनमा आएको छ । जलवीरे नजिकै खसेको पहिरो पन्छाइएसँगै सडकमा दुईतर्फी आवागमन सुचारु भएको सडक डिभिजन कार्यालय भरतपुरले जनाएको छ । सडक डिभिजन कार्यालय भरतपुरका अनुसार सोमबार दिउँसो २ बजेतिर पहिरो खस्दा आवागमन एकतर्फी सञ्चालन गरिएको थियो ।

मेसिन परिचालन गरी पहिरो हटाई हाल आवागमन दुवैतर्फ सञ्चालन भैसकेको र यस क्षेत्रमा पहिरोको उच्च जोखिम भएको हुनाले जानकारी लिएर मात्रै सुरक्षित यात्रा गर्न अनुरोध गरिएको छ ।