गैंडाको आक्रमणबाट एकको मृत्य, चालु आवमा जंगली जनावरबाट १२ को ज्यान गयो
/१७ बैशाख २०७६, मंगलवार १४:२८
चितवन : चितवन राष्ट्रिय निकुञ्ज हुँदै बग्ने राप्ती नदीमा माछा मार्न गएका चार जना मध्ये एक जनालाई गैंडाले आक्रमण गर्दा उनको मृत्यु भएको छ । निकुञ्जका सहायक संरक्षण अधिकृत एवं सूचना अधिकारी गोपाल घिमिरेका अनुसार भरतपुर महानगरपालिका वडा नं. २८ साराङघाटमा सोही ठाउँका ५९ वर्षिय फडिन्द्र चौधरीको गैंडाको आक्रमणबाट मृत्यु भएको हो ।
घिमिरेका अनुसार सोमबार साँझ ७ बजेको समयमा चौधरी, बुद्धिराम महतो, विजय महतो र बिक्रम महतो माछा मार्न गएका थिए । नदीको पानीमा रहेको गैंडाले चौधरीलाई आक्रमण गरी घाईते बनाएको थियो । अन्य तीन जना भने सकुशल रहेका छन् ।
घाईते चौधरीलाई सोमबार साँझ ९ बजे चितवन मेडिकल कलेजमा उपचारका लागि भर्ना गरिएको थियो । चौधरीको मंगलबार बिहान ३ः३० बजेको समयमा उपचारको क्रममा मृत्यु भएको जिल्ला प्रहरी कार्यालय चितवनले जनाएको छ ।
चालु आर्थिक वर्षको हालसम्म जंगली जनावरको आक्रमणबाट निकुञ्ज र आसपासका क्षेत्रमा १२ जनाको मृत्यु भएको छ । सूचना अधिकारी घिमिरेका अनुसार गैंडाको आक्रमणबाट यो सहित तीन जना, बाघको आक्रमणबाट तीन जना र हात्तीको आक्रमणबाट ६ जनाको मृत्यु भएको हो । ती मध्ये १० जना मध्यवर्ती क्षेत्रमा र दुई जना निकुञ्ज क्षेत्रमा भएका घटना हुन् । मध्यवर्ती क्षेत्रमा जंगली जनावरबाट आक्रमण भएमा क्षतिपूर्ति दिने व्यवस्था रहेको छ भने निकुञ्जभित्रै भएका घटनाको क्षतिपूर्ति दिंदैन ।
गत आर्थिक वर्षमा जंगली जनावरको आक्रमणबाट पाँच जनाको मृत्यु भएको थियो ।
चितवन :
चितवन राष्ट्रिय निकुञ्ज हुँदै बग्ने राप्ती नदीमा माछा मार्न गएका चार जना मध्ये एक जनालाई गैंडाले आक्रमण गर्दा उनको मृत्यु भएको छ । निकुञ्जका सहायक संरक्षण अधिकृत एवं सूचना अधिकारी गोपाल घिमिरेका अनुसार भरतपुर महानगरपालिका वडा नं. २८ साराङघाटमा सोही ठाउँका ५९ वर्षिय फडिन्द्र चौधरीको गैंडाको आक्रमणबाट मृत्यु भएको हो ।
घिमिरेका अनुसार सोमबार साँझ ७ बजेको समयमा चौधरी, बुद्धिराम महतो, विजय महतो र बिक्रम महतो माछा मार्न गएका थिए । नदीको पानीमा रहेको गैंडाले चौधरीलाई आक्रमण गरी घाईते बनाएको थियो । अन्य तीन जना भने सकुशल रहेका छन् ।
घाईते चौधरीलाई सोमबार साँझ ९ बजे चितवन मेडिकल कलेजमा उपचारका लागि भर्ना गरिएको थियो । चौधरीको मंगलबार बिहान ३ः३० बजेको समयमा उपचारको क्रममा मृत्यु भएको जिल्ला प्रहरी कार्यालय चितवनले जनाएको छ ।
चालु आर्थिक वर्षको हालसम्म जंगली जनावरको आक्रमणबाट निकुञ्ज र आसपासका क्षेत्रमा १२ जनाको मृत्यु भएको छ । सूचना अधिकारी घिमिरेका अनुसार गैंडाको आक्रमणबाट यो सहित तीन जना, बाघको आक्रमणबाट तीन जना र हात्तीको आक्रमणबाट ६ जनाको मृत्यु भएको हो । ती मध्ये १० जना मध्यवर्ती क्षेत्रमा र दुई जना निकुञ्ज क्षेत्रमा भएका घटना हुन् । मध्यवर्ती क्षेत्रमा जंगली जनावरबाट आक्रमण भएमा क्षतिपूर्ति दिने व्यवस्था रहेको छ भने निकुञ्जभित्रै भएका घटनाको क्षतिपूर्ति दिंदैन ।
गत आर्थिक वर्षमा जंगली जनावरको आक्रमणबाट पाँच जनाको मृत्यु भएको थियो ।