संस्कृति आमा समूहको साधारण सभा सम्पन्न

भरतपुर । काँडाघारी टोल सुधार समिति भरतपुर–९ अन्तर्गत रहेको संस्कृति आमा समूहको दोस्रो साधारण सभा शनिबार सम्पन्न भएको छ ।

भरतपुर–९ का वडा अध्यक्ष यमलाल कँडेल प्रमुख अतिथि रहनु भएको साधारण सभाको उद्घाटन सत्रमा टोल सुधार समितिका अध्यक्ष सूर्यप्रसाद खनाल, सल्लाहकारहरु बालकृष्ण पौडेल, रामबाबु सुवेदी, गीता तामाङलगायतले शुभकामना मन्तव्य राख्नुभएको थियो ।

समितिकि अध्यक्ष मुना बानियाँको अध्यक्षता भएको साधारण सभामा समूहकी सचिव प्रतिमा लामिछानेले वार्षिक प्रतिवेदन र कोषाध्यक्ष सुभद्रा भट्टराईले आर्थिक प्रतिवेदन प्रस्तुत गर्नुभएको थियो ।