भरतपुर, २८ जेठ । अत्यधिक गर्मी बढेपछि चितवनका तीन पालिकाले विद्यालयमा सार्वजनिक बिदा दिएका छन् । भरतपुर महानगरपालिका, रत्ननगर नगरपालिका र खैरहनी नगरपालिकाले बिदा दिएका हुन ।
भरतपुर महानगरपालिकाले आज बुधबारदेखि लागू हुने गरी ३० गते शुक्रबारसम्म तीन दिन विद्यालयहरुमा सार्वजनिक बिदा दिने निर्णय गरेको महानगरका शैक्षिक प्रशासन महाशाखा प्रमुख सुवासचन्द्र आचार्यले जानकारी दिनुभयो । महानगरले यस अविधमा आफ्ना बालबालिकाहरुलाई दिउँसो घाममा हिँडडुल गर्न नदिन, नदी–पोखरीहरुमा पौडी खेल्ने, माछा मार्ने जस्ता कार्यमा संलग्न हुन नदिन आवश्यक सावधानी अपनाउन सबै अभिभावकहरुम अनुरोध समेत गरेको छ ।
केहीदिन देखि अत्यधिक गर्मीका कारण जनजीवन प्रभावित हुँदै गइरहेको छ भने बालबालिकाहरुलाई समेत पठनपाठनमा समस्या भइरहेको गुनासो आएपछि यो निर्णय गरिएको आचार्यले बताउनुभयो । महानगरको वार्षिक शैक्षिक क्यालेन्डरमा उल्लेख भए अनुसार प्रतिकुल मौसमको अवस्था हेरी ४ दिन बिदा दिन सकिने व्यवस्था अनुसार सोही बिदामा समायोजन गर्ने गरी बिदा दिइएको आचार्यले बताउनुभयो ।
यस्तै गर्मीकै कारण खैरहनी नगरपालिकाले विद्यालयहरुमा पनि सार्वजनिक बिदा दिएको छ । खैरहनी नगरपालिकाका प्रमुख प्रशासकीय अधिकृत विष्णुप्रसाद सापकोटाले बुधबार एक दिनका लागि नगरभित्रका सामुदायिक तथा सबै संस्थागत विद्यालयहरुमा बिदा दिने निर्णय भएको जानकारी दिनुभयो । यस वर्षको वर्षे सट्टा बिदा दिने गरी यो निर्णय गरिएको उहाँले बताउनुभयो ।
रत्ननगर नगरपालिकाले समेत आज एक दिन सार्वजनिक बिदा दिएको छ । रत्ननगरका नगर शिक्षा अधिकारी नारायणप्रसाद वाग्लेले सूचना जारी गर्दै बढ्दो गर्मीका कारण बालबालिकाको सिकाइ क्रियाकलाप र स्वास्थ्यमा प्रत्यक्ष असर पर्न गएकाले बिदा दिने निर्णय गरिएको बताउनुभयो । उहाँकाअनुसार मंगलबारको निर्णयअनुसार बर्खे बिदाबाट कट्टा हुने गरी बुधबार पालिकाभित्रका सबै विद्यालयहरु बन्द गर्न अनुरोध गरिएको छ । चितवनमा मंगलबारको अधिकतम तापक्रम ३७ डिग्री सेल्सियस रहेको छ ।
भरतपुर, २८ जेठ । अत्यधिक गर्मी बढेपछि चितवनका तीन पालिकाले विद्यालयमा सार्वजनिक बिदा दिएका छन् । भरतपुर महानगरपालिका, रत्ननगर नगरपालिका र खैरहनी नगरपालिकाले बिदा दिएका हुन ।
भरतपुर महानगरपालिकाले आज बुधबारदेखि लागू हुने गरी ३० गते शुक्रबारसम्म तीन दिन विद्यालयहरुमा सार्वजनिक बिदा दिने निर्णय गरेको महानगरका शैक्षिक प्रशासन महाशाखा प्रमुख सुवासचन्द्र आचार्यले जानकारी दिनुभयो । महानगरले यस अविधमा आफ्ना बालबालिकाहरुलाई दिउँसो घाममा हिँडडुल गर्न नदिन, नदी–पोखरीहरुमा पौडी खेल्ने, माछा मार्ने जस्ता कार्यमा संलग्न हुन नदिन आवश्यक सावधानी अपनाउन सबै अभिभावकहरुम अनुरोध समेत गरेको छ ।
केहीदिन देखि अत्यधिक गर्मीका कारण जनजीवन प्रभावित हुँदै गइरहेको छ भने बालबालिकाहरुलाई समेत पठनपाठनमा समस्या भइरहेको गुनासो आएपछि यो निर्णय गरिएको आचार्यले बताउनुभयो । महानगरको वार्षिक शैक्षिक क्यालेन्डरमा उल्लेख भए अनुसार प्रतिकुल मौसमको अवस्था हेरी ४ दिन बिदा दिन सकिने व्यवस्था अनुसार सोही बिदामा समायोजन गर्ने गरी बिदा दिइएको आचार्यले बताउनुभयो ।
यस्तै गर्मीकै कारण खैरहनी नगरपालिकाले विद्यालयहरुमा पनि सार्वजनिक बिदा दिएको छ । खैरहनी नगरपालिकाका प्रमुख प्रशासकीय अधिकृत विष्णुप्रसाद सापकोटाले बुधबार एक दिनका लागि नगरभित्रका सामुदायिक तथा सबै संस्थागत विद्यालयहरुमा बिदा दिने निर्णय भएको जानकारी दिनुभयो । यस वर्षको वर्षे सट्टा बिदा दिने गरी यो निर्णय गरिएको उहाँले बताउनुभयो ।
रत्ननगर नगरपालिकाले समेत आज एक दिन सार्वजनिक बिदा दिएको छ । रत्ननगरका नगर शिक्षा अधिकारी नारायणप्रसाद वाग्लेले सूचना जारी गर्दै बढ्दो गर्मीका कारण बालबालिकाको सिकाइ क्रियाकलाप र स्वास्थ्यमा प्रत्यक्ष असर पर्न गएकाले बिदा दिने निर्णय गरिएको बताउनुभयो । उहाँकाअनुसार मंगलबारको निर्णयअनुसार बर्खे बिदाबाट कट्टा हुने गरी बुधबार पालिकाभित्रका सबै विद्यालयहरु बन्द गर्न अनुरोध गरिएको छ । चितवनमा मंगलबारको अधिकतम तापक्रम ३७ डिग्री सेल्सियस रहेको छ ।