होली भिजन पब्लिक स्कुल ईको क्लबको आयोजना सरसफाई

भरतपुर, २२ जेठ । होली भिजन पब्लिक स्कुल ईको क्लबको आयोजनामा बिहिवार चेतनामूलक र्याली एवम् सरसफाइ कार्यक्रम सम्पन्न भएको छ । विश्व वातावरण दिवसको अवसरमा आयोजित सरसफाई कार्यक्रमको अवसरमा विद्यार्थीहरुले पृथ्वीलाई हराभरा बनाऔँ, वातावरण संरक्षण गरौँ, रूख रोपौँ जीवन बचाऔँ आदि जस्ता नाराहरु लेखेका प्लेकार्डहरु लिएर चेतनामूलक र्याली सम्पन्न भएको थियो।

र्याली विद्यालयको गेटबाट शुरु भएर सूर्योदय टोल, यज्ञपुरी चोक, गल्कोट चोक, पेन्सनक्याम्प चोक, हुँदै विद्यालयमा आएर समापन भएको विद्यालयका अतिरिक्त क्रियाकलाप प्रमुख केशव पौडेलले जानकारी दिनुभयो । कार्यक्रमको अवसरमा विद्यार्थीहरुले टोल र विद्यालय परिसरमा सरसफाई गर्दै फोहोरलाई छुट्याएर विभिन्न फाइदा लिन सकिने जानकारी गराएका थिए ।