टिकटक बनाउन भन्दै खोलामा लगेर बालकको हत्या गर्ने ४ जना पक्राउ

रौतहट, १५ वैशाख । खोलामा लगेर बालकको हत्या गरेको आरोपमा प्रहरीले ४ जनालाई प्रकाउ गरेको छ । जिल्ला प्रहरी कार्यालय रौतहटलेवृन्दावन नगरपालिका-७ का बालक कृष्णप्रसाद यादवको हत्या गरेको आरोपमा ४ जनालाई प्रकाउ गरेको हो ।

प्रहरीले सोही स्थानका नागेन्द्र सहनी, साधु भन्ने अर्को नागेन्द्र सहनी, गौर नगरपालिका-४ का विकास पटेल र अनिल साहलाई पक्राउ गरेको छ । प्रहरीका अनुसार १४ वर्षीय बालकलाई टिकटक बनाउन जाने भन्दै घरबाट बोलाएर उनीहरुले खोलामा पुर्‍याई गोली हानी हत्या गरिएको थियो । रौतहटका एसपी दिलिप घिमिरेका अनुसार बालकको छातीमा २ राउन्ड गोली हानिएको छ ।

पक्राउ परेका चारैजनालाई जिल्ला अदालत रौतहटबाट ७ दिनको म्याद थप गरेर अनुसन्धान कार्य जारी रहेको उनले बताए । घटनामा संलग्न अन्यको खोजी भइरहेको र यससम्बन्धी थप अनुसन्धान भइरहेको जिल्ला प्रहरी कार्यालय रौतहटले जनाएको छ ।