एकीकृत शत्रुजीव व्यवस्थापन कृषक संघ चितवनको अध्यक्षमा धर्मराज

चितवन, १६ चैत । एकीकृत शत्रुजीव व्यवस्थापन (आईपीएम) कृषक संघ चितवनको सातौँ अधिवेशनले नयाँ कार्यसमिति चयन गरेको छ । आज कृषि विकास कार्यालय चितवनमा आयोजित अधिवेशनबाट धर्मराज कंडेलको अध्यक्षतामा नयाँ नेतृत्व चयन गरिएको हो । कार्यसमितिको उपाध्यक्षमा प्रेमनाथ नेपाल, सचिवमा वासुदेव सापकोटा, सहसचिवमा रामचन्द्र बस्ताकोटी तथा सदस्यहरूमा उमा दाहाल, शोभा पण्डित र सुनिता पन्थी चुनिनु भएको हो । त्यस्तै, लेखा समितिको संयोजकमा राजकुमार पौडेल तथा सदस्यहरूमा सुशील कोइराला र लक्ष्मी न्यौपाने चयन भएका छन् ।