चितवन, ५ चैत । चितवनमा नाट्य महोत्सव हुने भएको छ ।
चितवनले नाट्य विधामार्फत् विश्वसामु चिनाउनको लागि पहिलोपटक यही चैत १० देखि १२ गतेसम्म अन्तर्राष्ट्रिय नाट्य महोत्सव हुन लागेको हो । नाट्य महोत्सवका निर्देशक अञ्जान प्रदीपले सोमबार नारायणी कला मन्दिरमा आयोजित पत्रकार सम्मेलनमा बोल्दै विविध सांस्कृतिक एवम् ऐतिहासिक सम्पदाले भरिएको जिल्लामा विकसित हुँदै गरेको नाट्य परम्परालाई संरक्षण र सम्वर्द्वन गर्नका लागि महोत्सवले विशेष भूमिका खेल्ने बताए ।
चितवनले नाटकको विधाबाट पनि केही नयाँ दिन खोजेको छ भन्ने सन्देश दिन पनि यो महोत्सव फलदायी हुने निर्देशक प्रदीपको भनाई छ ।
उनले चैत ६ गतेदेखि १२ गतेसम्म मण्डला थिएटर नेपालको आयोजनामा काठमाडौंमा हुने तेस्रो नेपाल अन्तर्राष्ट्रिय नाटक महोत्सवको अवसर पारेर जिल्लामा पनि नाट्य कलाको उत्थान गर्ने उद्देश्यले महोत्सव आयोजना गर्न लागिएको महोत्सव बताए । उनले भने, ‘यस महोत्सवले चितवन जिल्लाको कला, संस्कृति, र पर्यटनलाई प्रबर्द्धन गर्दै स्थानीय तथा अन्तर्राष्ट्रिय रंगकर्मीहरूलाई अनुभव र ज्ञान आदान–प्रदान गर्ने अवसर प्रदान गर्नेछ ।’
तरङ्ग नाट्य समूह चितवन, कर्मी चौतारी चितवन र नारायणी कला मन्दिरले संयुक्तरूपमा आयोजना गर्न लागेको नाट्य महोत्सवमा नेपालसहित जापान, इरान, स्पेन, लिथुवानिया र भारतका पाँच वटा नाटक मञ्चन हुने छन् । तीन दिनसम्म चल्ने महोत्सवमा देशी तथा विदेशी गरी करिब ४० जना रङ्गकर्मी चितवनमा हुने महोत्सवका संयोजक देवकुमार श्रेष्ठले जानकारी दिए । ‘यो महोत्सवबाट करिब तीन हजार स्थानीय विभिन्न कोणबाट लाभान्वित हुने लक्ष्य लिइएको छ’, तरङ्ग नाट्य समूहका संस्थापक अध्यक्षसमेत रहेका श्रेष्ठले भने ।
राजधानीस्थित मण्डला थिएटरमा हुने तेस्रो नेपाल अन्तर्राष्ट्रिय नाटक महोत्सवको अवसर पारेर चितवन जिल्लामा पनि नाट्य महोत्सव गर्ने तयारी गरेको आयोजकले जनाएको छ । महोत्सवको नारायणी कला मन्दिरतर्फका संयोजक निरञ्जन प्रधानका अनुसार यस महोत्सवले चितवन जिल्लाको कला, संस्कृति, र पर्यटनलाई प्रवर्द्वन गर्दै स्थानीय तथा अन्तर्राष्ट्रिय रङ्गकर्मीहरुलाई अनुभव र ज्ञान आदानप्रदान गर्ने अवसर प्रदान गर्नेछ । प्रधानका अनुसार नाटक प्रदर्शनी हरेक दिन दिउँसो ३ बजे र ५ बजे हुनेछ । नाटक अवलोकनका लागि निःशुल्क प्रवेशको व्यवस्था मिलाइएको उनले बताए ।
चितवन, ५ चैत । चितवनमा नाट्य महोत्सव हुने भएको छ ।
चितवनले नाट्य विधामार्फत् विश्वसामु चिनाउनको लागि पहिलोपटक यही चैत १० देखि १२ गतेसम्म अन्तर्राष्ट्रिय नाट्य महोत्सव हुन लागेको हो । नाट्य महोत्सवका निर्देशक अञ्जान प्रदीपले सोमबार नारायणी कला मन्दिरमा आयोजित पत्रकार सम्मेलनमा बोल्दै विविध सांस्कृतिक एवम् ऐतिहासिक सम्पदाले भरिएको जिल्लामा विकसित हुँदै गरेको नाट्य परम्परालाई संरक्षण र सम्वर्द्वन गर्नका लागि महोत्सवले विशेष भूमिका खेल्ने बताए ।
चितवनले नाटकको विधाबाट पनि केही नयाँ दिन खोजेको छ भन्ने सन्देश दिन पनि यो महोत्सव फलदायी हुने निर्देशक प्रदीपको भनाई छ ।
उनले चैत ६ गतेदेखि १२ गतेसम्म मण्डला थिएटर नेपालको आयोजनामा काठमाडौंमा हुने तेस्रो नेपाल अन्तर्राष्ट्रिय नाटक महोत्सवको अवसर पारेर जिल्लामा पनि नाट्य कलाको उत्थान गर्ने उद्देश्यले महोत्सव आयोजना गर्न लागिएको महोत्सव बताए । उनले भने, ‘यस महोत्सवले चितवन जिल्लाको कला, संस्कृति, र पर्यटनलाई प्रबर्द्धन गर्दै स्थानीय तथा अन्तर्राष्ट्रिय रंगकर्मीहरूलाई अनुभव र ज्ञान आदान–प्रदान गर्ने अवसर प्रदान गर्नेछ ।’
तरङ्ग नाट्य समूह चितवन, कर्मी चौतारी चितवन र नारायणी कला मन्दिरले संयुक्तरूपमा आयोजना गर्न लागेको नाट्य महोत्सवमा नेपालसहित जापान, इरान, स्पेन, लिथुवानिया र भारतका पाँच वटा नाटक मञ्चन हुने छन् । तीन दिनसम्म चल्ने महोत्सवमा देशी तथा विदेशी गरी करिब ४० जना रङ्गकर्मी चितवनमा हुने महोत्सवका संयोजक देवकुमार श्रेष्ठले जानकारी दिए । ‘यो महोत्सवबाट करिब तीन हजार स्थानीय विभिन्न कोणबाट लाभान्वित हुने लक्ष्य लिइएको छ’, तरङ्ग नाट्य समूहका संस्थापक अध्यक्षसमेत रहेका श्रेष्ठले भने ।
राजधानीस्थित मण्डला थिएटरमा हुने तेस्रो नेपाल अन्तर्राष्ट्रिय नाटक महोत्सवको अवसर पारेर चितवन जिल्लामा पनि नाट्य महोत्सव गर्ने तयारी गरेको आयोजकले जनाएको छ । महोत्सवको नारायणी कला मन्दिरतर्फका संयोजक निरञ्जन प्रधानका अनुसार यस महोत्सवले चितवन जिल्लाको कला, संस्कृति, र पर्यटनलाई प्रवर्द्वन गर्दै स्थानीय तथा अन्तर्राष्ट्रिय रङ्गकर्मीहरुलाई अनुभव र ज्ञान आदानप्रदान गर्ने अवसर प्रदान गर्नेछ । प्रधानका अनुसार नाटक प्रदर्शनी हरेक दिन दिउँसो ३ बजे र ५ बजे हुनेछ । नाटक अवलोकनका लागि निःशुल्क प्रवेशको व्यवस्था मिलाइएको उनले बताए ।