एशोसिएसन अफ कन्सल्टिङ्ग इञ्जिनियर्स भरतपुरमा ई.विष्णु अधिकारी

चितवन । एसोसिएसन अफ कन्सल्टिङ्ग इन्जिनियर्स भरतपुरको अध्यक्षमा ई.विष्णु अधिकारी चयन हुनु भएको छ । एशोसियसनको पाँचौँ वार्षिक साधारण सभा तथा अधिवेशनले आगामी तीनवर्षे कार्यकालका लागि ई अधिकारीको अध्यक्षतामा ११ सदस्यीय नयाँ कार्यसमिति चयन गरेको हो ।

समितिको उपाध्यक्षहरुमा ई खेमबिक्रम थापा मगर, ई दामोदर ढकाल, सचिवमा ई आकाश शर्मा, सहसचिवमा ई केदार अधिकारी र ई शिवराम पौडेल, कोषाध्यक्षमा ई.जनार्दन देवकोटा चयन हुनु भएको छ । यस्तै, सदस्यहरुमा ई गौरव पराजुली, ई हेमन्त श्रेष्ठ, ई अमित गिरी र ई रोशन भाट निर्वाचित हुनु भएको छ ।

सो अवसरमा बोल्दै प्रमुख अतिथि भरतपुर महानगरपालिकाका मेयर रेनु दाहालले देश विकासमा अहम् भूमिका निर्वाह गर्ने इन्जिनियरहरुको भूमिकालाई राज्यले सही सदुपयोग गर्नुपर्ने बताउनुभयो । उहाँले भौतिक पूर्वाधार विकास निर्माणमा इन्जिनियरहरुको भूमिका महत्तवपूर्ण रहेको भन्दै भरतपुरको विकास र समृद्धिमा इन्जिनियरहरुको भूमिका अतुलनीय रहेको बताउनुभयो । निवर्तमान अध्यक्ष ई उदयकृष्ण श्रेष्ठको अध्यक्षतामा कार्यक्रम सम्पन्न भएको थियो ।

नवनिर्वाचित अध्यक्ष अधिकारीले राष्ट्रनिर्माणमा योगदान दिनसक्ने इन्जिनियरहरुको भूमिकालाई थप मजबुत बनाउँदै आफ्नो कार्यकाललाई सफल बनाउने प्रतिबद्धता व्यक्त गर्नुभयो ।