होली भिजनमा अभिभावन शैली

भरतपुर, २४ फागुन । होली भिजन पब्लिक स्कुल भरतपुर ४ लङ्कुको आयोजनामा असल अभिभावन शैली विषयक अन्तरक्रिया कार्यक्रम शनिबार यज्ञपुरीको सङ्गोल व्याङ्क्वेटमा सम्पन्न भएको छ ।

असल अभिभावन शैली कार्यक्रमका प्रमुख अतिथि शिक्षक अभिभावक संघका अध्यक्ष प्रेमकुमार गैरेले बालबालिकालाई असल मार्गमा अगाडि बढाउनको लागि सर्वप्रथम त अभिभावकहरु नै जिम्मेवार भएर अगाडि बढ्नुपर्ने आवश्यकता औँल्याउनुभयो । असल अभिभावन शैली कार्यक्रमका सहजकर्ता कान्तिपुर चाइल्ड डेभलपमेन्ट सेन्टरका प्रशिक्षक भीष्ममणि पाण्डेले, असल अभिभावन, बाल विकास, सिकाउने शैलीका बारेमा अभिभावकहरुलाई प्रशिक्षण दिनुभएको थियो ।

अभिभावन शैली कार्यक्रमले समय र परिस्थिति अनुसार अभिभावकीय शैली परिवर्तन गर्नको लागि निकै फलदायी भएको अभिभावकहरुको धारणा रहेको थियो । विद्यालय व्यवस्थापन समितिका अध्यक्ष पूर्णबहादुर दवाडीको अध्यक्षतामा सम्पन्न प्रशिक्षण कार्यक्रमा विद्यालयका प्राचार्य मीनराज बस्ताकोटी, सहायक प्रचार्य वेगनाथ गैरे, कक्षा ११, १२ का संयोजक चोलाकान्त बस्ताकोटी, विद्यालयका पुर्व अध्यक्ष नारायण सापकोटा विद्यालयका पुर्व शिक्षक राजु गिरीलगायले शुभकामना मन्तब्य ब्यक्त गर्नुभएको थियो।