२७ वर्षीया महिला छोराछोरी र श्रीमान् छोडेर दुई लाख बोकेर बेखबर

भोजपुर । भोजपुरमा एक महिला घरमा भएको रकम लिएर सम्पर्कविहीन भएकी छन् । षडानन्द नगरपालिका–२, कुदाककाउले घर भएकी २७ वर्षीया आशा राई सार्कीले श्रीमान्को दुई लाख रुपैयाँ लिएर बेपत्ता भएकी हुन् ।

भोजपुर सदरमुकामस्थित एक जुत्ता पसलमा काम गर्दै आएका एकबहादुर सार्कीकी श्रीमती आशाले घरमा राखेको दुई लाख रुपैयाँ लिएर गत कात्तिक १८ गते सम्पर्कविहीन भएको एकबहादुरले बताउनुभयो । नगदसहित घरमा भएको अन्य लत्ताकपडा पनि लिएर श्रीमती बेपत्ता भएको एकबहादुरले जानकारी दिनुभयो ।

एकबहादुरले खोजीका लागि जिल्ला प्रहरी कार्यालयमा निवेदन दिनुभएको छ । एकबहादुर र आशाकी सात वर्षीया एक छोरी र पाँच वर्षीय एक छोरा छन् ।