देवघाटर देवघाट गाउँपालिकाले अपाङ्गता परिचयपत्र वितरणका लागि सञ्चालन गरेको एक हप्ते घुम्ति सेवा कार्यक्रमको समापन भएको छ । घुम्ति शिविर अन्तर्गत पहिलो दिन बैशाख ८ गते वडा नम्वर ५ को धर्मार्थ अस्पतालमा, ९ गते वडा नम्वर ५ मा, १० गते वडा नम्वर १ मा, ११ गते वडा नम्वर ४ मा, १२ गते वडा नम्वर ३ मा, १३ गते वडा नम्वर २ मा र अन्तिम दिन १४ गते वैदी स्वास्थ्य चौकीमा अपाङ्गता परिचयपत्र वितरण गरिएको थियो । अपाङ्गता वितरण कार्यक्रममा राष्ट्रिय सभा सदस्य प्रकाश पन्थ पनि सहभागी हुनुभएको थियो । उहाँले नेपालभरमा लगभग २५ देखि ३० लाखको हारहारीमा अपाङ्गता भएका व्यक्तिहरु रहेका र तनहुँ जिल्लामा मात्रै अपाङ्गता भएका व्यक्तिहरु ३० हजारजति रहेका जानकारी दिनुभयो । अपाङ्गता भएका व्यक्तिहरुलाई अपहेलना नगरी समाजमा केही गरेर अगाडि बढ्नुपर्छ भन्ने हौसला प्रदान गनुपर्ने उहाँको भनाइ थियो । देवघाट गाउँपालिकाका अध्यक्ष दुर्गबहादुर थापाले जन्मजात बाहेक अरु जुनसुकै अवस्थामा जो कोहीमा पनि अपाङ्गता हुन सक्ने भएकोले अपाङ्गता भएकाहरुप्रति कोही कसैले पनि हेलाको भावना राख्न नहुनेमा जोड दिनुभयो । परिचयपत्र वितरको मुख्य उद्देश्य भत्ता वितरण गर्नु मात्र नभई गाउँपालिकाभित्र अपाङ्गता भएका कति जना छन् भनि पहिचान गर्न र अपाङ्गता भएका मध्ये कति जनालाई उपचार गर्न सकिन्छ भनि पत्ता लगाउन शिविर सञ्चालन गरिएको थापाले बताउनुभयो । डाक्टरको सल्लाह अनुसार सम्भव भएसम्म उपचारको व्यवस्था गरिदिने पनि उहाँले जानकारी गराउनुभयो । अपाङ्गता भएकालाई सीपमूलक तालिमको व्यवस्था पनि गरिने उहाँले बताउनुभयो । अपाङ्ग सरोकार समिति, तनहुँका अध्यक्ष ऋषिराम लामिछानेले अपाङ्गता भएकालाई आशा मात्रै देखाउने काम नगर्न आग्रह गर्दै अधिकार दिन आग्रह गर्नुभयो । उनले देवघाटको वडा नम्वर ५मा मात्रै ७० जना अपाङ्गता भएका व्यक्ति रहेका बताउनुभयो । यस क्षेत्रमा कानको समस्या बढी पाईएको उहाँले जानकारी गराउनुभयो । अपाङ्गता परिचयपत्र वितरण घरदैलो कार्यक्रममा देवघाट क्षेत्र विकास समितिका अध्यक्ष शिवराज पौडेल, उपाध्यक्ष विमला थापालगायतको सहभागिता थियो । भिमाद प्राथमिक स्वास्थ्य चौकीकी स्वास्थ्यकर्मी अनिमा पराजुलीले शिविरमा अपाङ्गता भएकाहरुको जाँच गरेकी थिइन् ।
देवघाटर देवघाट गाउँपालिकाले अपाङ्गता परिचयपत्र वितरणका लागि सञ्चालन गरेको एक हप्ते घुम्ति सेवा कार्यक्रमको समापन भएको छ । घुम्ति शिविर अन्तर्गत पहिलो दिन बैशाख ८ गते वडा नम्वर ५ को धर्मार्थ अस्पतालमा, ९ गते वडा नम्वर ५ मा, १० गते वडा नम्वर १ मा, ११ गते वडा नम्वर ४ मा, १२ गते वडा नम्वर ३ मा, १३ गते वडा नम्वर २ मा र अन्तिम दिन १४ गते वैदी स्वास्थ्य चौकीमा अपाङ्गता परिचयपत्र वितरण गरिएको थियो ।
अपाङ्गता वितरण कार्यक्रममा राष्ट्रिय सभा सदस्य प्रकाश पन्थ पनि सहभागी हुनुभएको थियो । उहाँले नेपालभरमा लगभग २५ देखि ३० लाखको हारहारीमा अपाङ्गता भएका व्यक्तिहरु रहेका र तनहुँ जिल्लामा मात्रै अपाङ्गता भएका व्यक्तिहरु ३० हजारजति रहेका जानकारी दिनुभयो । अपाङ्गता भएका व्यक्तिहरुलाई अपहेलना नगरी समाजमा केही गरेर अगाडि बढ्नुपर्छ भन्ने हौसला प्रदान गनुपर्ने उहाँको भनाइ थियो ।
देवघाट गाउँपालिकाका अध्यक्ष दुर्गबहादुर थापाले जन्मजात बाहेक अरु जुनसुकै अवस्थामा जो कोहीमा पनि अपाङ्गता हुन सक्ने भएकोले अपाङ्गता भएकाहरुप्रति कोही कसैले पनि हेलाको भावना राख्न नहुनेमा जोड दिनुभयो । परिचयपत्र वितरको मुख्य उद्देश्य भत्ता वितरण गर्नु मात्र नभई गाउँपालिकाभित्र अपाङ्गता भएका कति जना छन् भनि पहिचान गर्न र अपाङ्गता भएका मध्ये कति जनालाई उपचार गर्न सकिन्छ भनि पत्ता लगाउन शिविर सञ्चालन गरिएको थापाले बताउनुभयो । डाक्टरको सल्लाह अनुसार सम्भव भएसम्म उपचारको व्यवस्था गरिदिने पनि उहाँले जानकारी गराउनुभयो । अपाङ्गता भएकालाई सीपमूलक तालिमको व्यवस्था पनि गरिने उहाँले बताउनुभयो ।
अपाङ्ग सरोकार समिति, तनहुँका अध्यक्ष ऋषिराम लामिछानेले अपाङ्गता भएकालाई आशा मात्रै देखाउने काम नगर्न आग्रह गर्दै अधिकार दिन आग्रह गर्नुभयो । उनले देवघाटको वडा नम्वर ५मा मात्रै ७० जना अपाङ्गता भएका व्यक्ति रहेका बताउनुभयो । यस क्षेत्रमा कानको समस्या बढी पाईएको उहाँले जानकारी गराउनुभयो ।
अपाङ्गता परिचयपत्र वितरण घरदैलो कार्यक्रममा देवघाट क्षेत्र विकास समितिका अध्यक्ष शिवराज पौडेल, उपाध्यक्ष विमला थापालगायतको सहभागिता थियो । भिमाद प्राथमिक स्वास्थ्य चौकीकी स्वास्थ्यकर्मी अनिमा पराजुलीले शिविरमा अपाङ्गता भएकाहरुको जाँच गरेकी थिइन् ।