बैशाख १३
भरतपुरमा सम्बन्धन नलिई सञ्चालन गरेका शैक्षिक परामर्श केन्द्रहरुले १५ दिनभित्र सम्बन्धन ल्याउने कबुल गरेका छन् । जिल्ला प्रशासन कार्यालय, चितवनले गरेको अनुगमनमा सम्बन्धन नै नलिई सञ्चालन गरेका शैक्षिक परामर्श केन्द्रहरुले १५ दिनभित्र सम्बन्धन नल्याएमा संस्था बन्द गर्ने कबुल गरेका हुन् ।
भरतपुर बजार क्षेत्रका सात वटा शैक्षिक परामर्श केन्द्रको अनुगमन गर्ने क्रममा तीन वटाले सम्बन्धन नै नलिई चलाएको पाईएको प्रदेश स्तरीय अनुगमन समितिका संयोजक नारायण प्रसाद लम्सालले जानकारी दिनुभयो ।
अनुगमनको क्रममा चार वटाले पूर्ण रुपमा नियम पालना गरि चलाएको र तीन वटाले सम्बन्धननै नलिई चलाएको पाईएकोले उनीहरुलाई १५ दिनभित्र सम्बन्धन ल्याउने र नल्याएमा संस्था बन्द गर्ने भनि कबुल गराएर छाडिएको लम्सालले बताउनुभयो ।
चितवनमा एक सय भन्दा बढि कन्सल्टेन्सी दर्ता नै नगरी सञ्चालनमा गरेको आफुहरुलाई सूचना आएको र पहिलो चरणमा केहि कन्सल्टेन्सीको अनुगमन गरिएको जिल्ला प्रशासन कार्यालय, चितवनका अनुगमन अधिकारी उमेशचन्द्र पन्थीले बताउनुभयो । टोलीले अनुगमनको क्रममा मूल्य सूची, साइनबोर्ड राखे नराखेको, व्यवसाय दर्ता र नवीकरण गरे नगरेको, स्थायी प्यान र भ्याट लिए नलिएको हेरेको पन्थीले जानकारी दिनुभयो ।
अनुगमनको प्रतिवेदन आईतबार पं्रमुख जिल्ला अधिकारी जितेन्द्र बस्नेतलाई पेश गर्ने र उहाँको निर्देशन बमोजिम दर्ता नभएका कन्सल्टेन्सीको हकमा के कारवाही गर्ने निर्देशन हुन्छ त्यही अनुरुपको कारवाही पनि हुन सक्ने पन्थीले बताउनुभयो । टोलीले नियमित अनुगमन गर्ने र दर्ता नभएकाको हकमा आगामी दिनमा प्रशासन थप कडा बनेर प्रस्तुत हुने अनुगमन अधिकारी उमेशचन्द्र पन्थिले बताउनु भयो ।
चितवनमा डेढ सय भन्दा बढि कन्सल्टेन्सी दर्ता नगरी सञ्चालनमा आएको गुनासो आफ्नो संस्थामा आएको र आफुहरुले प्रशासनसँग समन्वय गरि अनुगमनको कामलाई तिब्रता दिएको उपभोक्ता अधिकार संरक्षण मञ्च, चितवनका उपाध्यक्ष विष्णु भूषालले बताउनुभयो । अघिल्लो वर्ष पनि अनुगमन गरि बन्द गराएका कन्सल्टेन्सीहरु अहिलेसम्म पनि दर्ता नगरी सञ्चालनमा आएको पाईएकाले अनुगमन गर्ने कार्य तिब्र पारेपनि त्यसको परिणाम प्रभावकारी नआएको भुषाल बताउनु हुन्छ । अनुगमनको नाममा झारा टार्ने प्रवृत्ति अन्त्य गर्न नसके त्यसले परिणाम हात नलाग्ने भूषालको भनाई छ ।
बैशाख १३
भरतपुरमा सम्बन्धन नलिई सञ्चालन गरेका शैक्षिक परामर्श केन्द्रहरुले १५ दिनभित्र सम्बन्धन ल्याउने कबुल गरेका छन् । जिल्ला प्रशासन कार्यालय, चितवनले गरेको अनुगमनमा सम्बन्धन नै नलिई सञ्चालन गरेका शैक्षिक परामर्श केन्द्रहरुले १५ दिनभित्र सम्बन्धन नल्याएमा संस्था बन्द गर्ने कबुल गरेका हुन् ।
भरतपुर बजार क्षेत्रका सात वटा शैक्षिक परामर्श केन्द्रको अनुगमन गर्ने क्रममा तीन वटाले सम्बन्धन नै नलिई चलाएको पाईएको प्रदेश स्तरीय अनुगमन समितिका संयोजक नारायण प्रसाद लम्सालले जानकारी दिनुभयो ।
अनुगमनको क्रममा चार वटाले पूर्ण रुपमा नियम पालना गरि चलाएको र तीन वटाले सम्बन्धननै नलिई चलाएको पाईएकोले उनीहरुलाई १५ दिनभित्र सम्बन्धन ल्याउने र नल्याएमा संस्था बन्द गर्ने भनि कबुल गराएर छाडिएको लम्सालले बताउनुभयो ।
चितवनमा एक सय भन्दा बढि कन्सल्टेन्सी दर्ता नै नगरी सञ्चालनमा गरेको आफुहरुलाई सूचना आएको र पहिलो चरणमा केहि कन्सल्टेन्सीको अनुगमन गरिएको जिल्ला प्रशासन कार्यालय, चितवनका अनुगमन अधिकारी उमेशचन्द्र पन्थीले बताउनुभयो । टोलीले अनुगमनको क्रममा मूल्य सूची, साइनबोर्ड राखे नराखेको, व्यवसाय दर्ता र नवीकरण गरे नगरेको, स्थायी प्यान र भ्याट लिए नलिएको हेरेको पन्थीले जानकारी दिनुभयो ।
अनुगमनको प्रतिवेदन आईतबार पं्रमुख जिल्ला अधिकारी जितेन्द्र बस्नेतलाई पेश गर्ने र उहाँको निर्देशन बमोजिम दर्ता नभएका कन्सल्टेन्सीको हकमा के कारवाही गर्ने निर्देशन हुन्छ त्यही अनुरुपको कारवाही पनि हुन सक्ने पन्थीले बताउनुभयो । टोलीले नियमित अनुगमन गर्ने र दर्ता नभएकाको हकमा आगामी दिनमा प्रशासन थप कडा बनेर प्रस्तुत हुने अनुगमन अधिकारी उमेशचन्द्र पन्थिले बताउनु भयो ।
चितवनमा डेढ सय भन्दा बढि कन्सल्टेन्सी दर्ता नगरी सञ्चालनमा आएको गुनासो आफ्नो संस्थामा आएको र आफुहरुले प्रशासनसँग समन्वय गरि अनुगमनको कामलाई तिब्रता दिएको उपभोक्ता अधिकार संरक्षण मञ्च, चितवनका उपाध्यक्ष विष्णु भूषालले बताउनुभयो । अघिल्लो वर्ष पनि अनुगमन गरि बन्द गराएका कन्सल्टेन्सीहरु अहिलेसम्म पनि दर्ता नगरी सञ्चालनमा आएको पाईएकाले अनुगमन गर्ने कार्य तिब्र पारेपनि त्यसको परिणाम प्रभावकारी नआएको भुषाल बताउनु हुन्छ । अनुगमनको नाममा झारा टार्ने प्रवृत्ति अन्त्य गर्न नसके त्यसले परिणाम हात नलाग्ने भूषालको भनाई छ ।