भारतको तिरुपति मन्दीरको प्रसादमा जनावरको बोसो प्रयोग !

भारत, ४ असोज । भारतको विश्वप्रसिद्ध तिरुपति मन्दीरको प्रसादमा जनावरको बोसो प्रयोग भएको पाइएको छ।

आन्ध्र प्रदेशस्थित यस मन्दीरमा प्रसादको रुपमा बाँडिने लड्डुमा जनावरको बोसोको प्रयोग भएको विषयमा विवाद अहिले उत्कर्समा पुगेको छ।

आन्ध्र प्रदेशका मुख्यमन्त्री चन्द्रबाबु नायडुले पछिल्लो सरकारले मन्दीरको प्रसादका लागि बनाउने लड्डुमा घ्यूको सट्टा जनावरको बोसो प्रयोग गर्ने गरेको आरोप लगाएका छन्। साथै उनले यसले मन्दीरको प्रतिष्ठालाई संकटमा पारेको पनि बताएका छन्।

उनले मन्दीरको लड्डुमा प्रयोग हुने घ्यूमा मिलावट भएको पुष्टि भइसकेको पनि दावी गरेका छन्।

भारत आन्ध्र प्रदेशको तिरुपति मन्दीर विश्व प्रसिद्ध मन्दीरमध्येको एक हो। जहाँ नेपालसहित विश्वका विभिन्न मुलुकबाट पर्यटक र भक्तजन पुग्ने गर्छन्।

तिरुपति मन्दीरमा बर्सेनि ३ हजार करोड रुपैयाँ दानबाट जम्मा हुन्छ। जसमा ५ सयदेखि ६ सय करोड रुपैयाँ प्रसादको रुपमा लड्डु बिक्री गरेको हुने गरेको छ। एजेन्सी