सडकमा युवकमाथि खुकुरी प्रहा गर्ने तीनजना प्रकाउ

काठमाडौं, २१ साउन । काठमाडौंमा एक युवकमाथि खुकुरी प्रहार भएको छ । आलोकनगरमा बस्दै आएका कैलालीको धनगढीका २२ वर्षीय मनत केसीमाथि आइतबार (हिजो) दिउँसो खुकुरी प्रहार भएको हो ।

केसीलाई खुकुरी प्रहार गरेको आरोपमा प्रहरीले सिन्धुलीका १८ वर्षीय अनिष मगर, दैलेखका २६ वर्षीय कुमार पण्डित र दार्चुलाका १९ वर्षीय प्रेमसिंह महरालाई प्रकाउ गरेको छ । घटनापछि खोजतलासका क्रममा आइतबारै बेलुका काठमाडौंका विभिन्न स्थानबाट खुकुरीसहित आरोपितलाई पक्राउ गरिएको जिल्ला प्रहरी परिसर काठमाडौंले जानकारी गराएको छ ।

आलोकनगरस्थित सौराहा होटेलनजिक सडकमा उनीहरूबीच विवाद भएको थियो । त्यसक्रममा खुकुरी प्रहार गर्दा मनतको दाहिने हातको औँला पूर्ण रूपमा क्षति भएको प्रहरीले जनाएको छ । राष्ट्रिय ट्रमा सेन्टरमा घाइतेको उपचार भइरहेको छ ।